പുതുപ്പളളി: ഇന്ത്യയില് ഏറ്റവും കുറവ് വിലക്കയറ്റമുളളത് കേരളത്തിലെന്ന് ധനമന്ത്രി കെ എന് ബാലഗോപാല്. ഉത്തരേന്ത്യയിലെ വെളളപ്പൊക്കവും ചില സ്ഥലങ്ങളിലെ വരള്ച്ചയും രാജ്യത്ത് വിലക്കയറ്റത്തിന് കാരണമായെന്നും പല സ്ഥലത്തും തക്കാളിക്ക് 300 രൂപ ആയപ്പോഴും കേരളത്തില് 86 രൂപയായിരുന്നു വിലയെന്നും കെ എന് ബാലഗോപാല് പറഞ്ഞു. പുതുപ്പളളി ഉപതെരഞ്ഞെടുപ്പില് ജെയ്ക്ക് സി തോമസിനായുളള പ്രചാരണത്തിനിടെ മീഡിയാ വണ്ണിനോടായിരുന്നു അദ്ദേഹത്തിന്റെ പ്രതികരണം.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
'വിലക്കയറ്റം ഇന്ത്യയില് ഏറ്റവും കുറവ് കേരളത്തിലാണ് എന്ന് കഴിഞ്ഞ ദിവസം ദേശീയ തലത്തിലുളള പഠനങ്ങള് വന്നിട്ടുണ്ട്. ഇന്ത്യയില് ഏഴര ശതമാനമാണ് പൊതുവിലുളള വിലക്കയറ്റ തോത്. ഉത്തരേന്ത്യയിലെ വെളളപ്പൊക്കവും ചിലയിടങ്ങളിലെ വരള്ച്ചയും മൂലം ഇന്ത്യയില് വിലക്കയറ്റമുണ്ട്. പക്ഷെ തക്കാളിക്ക് കിലോ 300 രൂപ ആയപ്പോഴും കേരളത്തില് 86 രൂപയേ ഉണ്ടായിരുന്നുളളു. കേരളത്തില് ആറര ശതമാനമേ വിലക്കയറ്റമുളളു. കോണ്ഗ്രസ് ഭരിക്കുന്ന രാജസ്ഥാനില് 9 ശതമാനുണ്ട്. ഇതൊക്കെ ജനങ്ങള് മനസിലാക്കുന്നുണ്ട്'- കെ എന് ബാലഗോപാല് പറഞ്ഞു.