പാരിസ്: ദിദ്വിന സന്ദര്‍ശനത്തിനായി ഫ്രാന്‍സിലെത്തിയ പ്രധാനമന്ത്രി നരേന്ദ്രമോദി ഫ്രഞ്ച് ഫുട്‌ബോള്‍ ടീം ക്യാപ്റ്റന്‍ കിലിയന്‍ എംബാപ്പെയെ പ്രശംസിക്കവെ ഉണ്ടായ നാക്കുപിഴ വൈറല്‍. എംബാപ്പെയെ ഫ്രാന്‍സുകാരെക്കാള്‍ ഇന്ത്യക്കാര്‍ക്ക് അറിയാമെന്നും അദ്ദേഹം ഇന്ത്യയില്‍ സൂപ്പര്‍ഹിറ്റാണെന്നും പറയുന്നതിനിടെയാണ് പ്രധാനമന്ത്രിക്ക് നാക്കുപിഴയുണ്ടായത്. കിലിയന്‍ എംബാപ്പെ എന്ന് പറയുന്നതിനുപകരം 'കിലിയന്‍ മാപ്പെ' എന്നാണ് നരേന്ദ്രമോദി പറഞ്ഞത്. പാരിസില്‍ ഇന്ത്യക്കാരോട് സംസാരിക്കവേയുണ്ടായ നാക്കുപിഴയുടെ വീഡിയോ ഇപ്പോള്‍ സമൂഹമാധ്യമങ്ങളില്‍ വൈറലാണ്.
'ഫ്രഞ്ച് ഫുട്‌ബോളര്‍ കിലിയന്‍ 'മാപ്പെ' ഇന്ത്യയിലെ യുവാക്കള്‍ക്കിടയില്‍ സൂപ്പര്‍ഹിറ്റാണ്. ഒരുപക്ഷെ ഫ്രാന്‍സിലേക്കാള്‍ കൂടുതല്‍ എംബാപ്പെ അറിയപ്പെടുന്നത് ഇന്ത്യയിലാണ്' എന്നാണ് നരേന്ദ്രമോദി പറഞ്ഞത്. പ്രധാനമന്ത്രി എംബാപ്പെയുടെ പേര് പറഞ്ഞപ്പോള്‍ തന്നെ വലിയ ആരവമാണ് ഗാലറിയില്‍ നിന്ന് ഉയര്‍ന്നത്. വീഡിയോ വൈറലായതോടെയാണ് നാക്കുപിഴ ശ്രദ്ധയില്‍പ്പെട്ടത്.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
