തിരുവനന്തപുരം: എ എ റഹിം എംപിയുടെ ചിത്രം ഉപയോഗിച്ച് സോഷ്യൽ മീഡിയ വഴി വ്യാജ പ്രചരണം നടത്തിയ കേസിൽ ബിജെപി പ്രവര്‍ത്തകന്‍ അറസ്റ്റില്‍. പത്തനംത്തിട്ട ആറമുള സ്വദേശി അനീഷാണ് അറസ്റ്റിലായത്. പുരവസ്തു തട്ടിപ്പ് കേസിലെ പ്രതിയായ മോന്‍സണ്‍ മാവുങ്കലിന്റെ ചിത്രം മോര്‍ഫ് ചെയ്തായിരുന്നു അനീഷ് കുമാര്‍ പ്രചരിപ്പിച്ചത്. ഇതിനെതിരെ എ.എ റഹീം എംപി പൊലീസില്‍ പരാതി നല്‍കുകയായിരുന്നു. ഇതിന്റെ അടിസ്ഥാനത്തിലാണ് നടപടി.
നേരത്തെ സമാനമായ സംഭവത്തില്‍ സ്കൂൾ അധ്യാപികയായ പ്രിയാ വിനോദിനെ പൊലീസ് അറസ്റ്റ് ചെയ്തിരുന്നു. പിന്നീട് ഇവരെ രണ്ടുപേരുടെ ആള്‍ ജാമ്യത്തില്‍ വിട്ടയക്കുകയായിരുന്നു. മോന്‍സന്‍ മാവുങ്കലുമായി അടുപ്പമുണ്ടെന്നു വരുത്തിത്തീർക്കുന്ന രീതിയിൽ മോൻസന്‍റെ കൈവശമുണ്ടായിരുന്ന സിംഹാസനത്തിൽ എ എ റഹിം ഇരിക്കുന്ന തരത്തില്‍ ചിത്രം മോര്‍ഫ് ചെയ്ത് ഫേസ്ബുക്ക് വഴി പങ്കുവെച്ചതിനാണ്‌ പ്രിയാ വിനോദിനെ പോലീസ് അറസ്റ്റ് ചെയ്തത്.
