തിരുവനന്തപുരം: മുഖ്യമന്ത്രി പിണറായി വിജയന് തലയില് മുണ്ടിട്ട് നടക്കേണ്ട ഗതികേട് വരുമെന്ന് പ്രതിപക്ഷ നേതാവ് വി ഡി സതീശന്. ഭീരുവായതുകൊണ്ടാണ് മുഖ്യമന്ത്രി ഒന്നും മിണ്ടാത്തതെന്നും വൈകാതെ വലിയ അഴിമതിക്കഥകള് പുറത്തുവരുമെന്നും വി ഡി സതീശന് പറഞ്ഞു. സംസ്ഥാന സര്ക്കാരിന്റെ രണ്ടാം വാര്ഷിക ദിനത്തില് സെക്രട്ടറിയേറ്റ് വളഞ്ഞുളള യുഡിഎഫിന്റെ സമരവേദിയില് സംസാരിക്കുകയായിരുന്നു അദ്ദേഹം.
'ധൂര്ത്തടിച്ച് കേരളത്തെ തകര്ത്ത മുഖ്യമന്ത്രിക്കും സംസ്ഥാന സര്ക്കാരിനും രണ്ടാം വാര്ഷികത്തില് പാസ് മാര്ക്ക് പോലും നല്കില്ല. ദയനീയ പരാജയമാണ് രണ്ടാം പിണറായി സര്ക്കാര്. സംസ്ഥാനത്ത് വിലക്കയറ്റം രൂക്ഷമാണ്. കഴിഞ്ഞ സാമ്പത്തിക വര്ഷമാണ് ഏറ്റവും കൂടുതല് കിടപ്പാടങ്ങള് ജപ്തി ചെയ്യപ്പെട്ടത്. എന്നിട്ടും സര്ക്കാര് ജനങ്ങളുടെ തലയില് ആയിരക്കണക്കിന് കോടി രൂപയുടെ നികുതി ഭാരം കെട്ടിവയ്ക്കുകയാണ്. ഈ സര്ക്കാരിനെ യുഡിഎഫ് പ്രതിക്കൂട്ടില്നിര്ത്തി വിചാരണ ചെയ്യും. എല്ലാ അഴിമതികളുടെയും പ്രഭവകേന്ദ്രം മുഖ്യമന്ത്രിയുടെ ഓഫീസാണ്'- വി ഡി സതീശന് പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
അരി ചാമ്പാന് അരിക്കൊമ്പന്, ചക്ക ചാമ്പാന് ചക്കക്കൊമ്പന് കേരളം ചാമ്പാന് ഇരട്ടച്ചങ്കന് എന്നത് ട്രോളാണെങ്കിലും വലിയ യാഥാര്ത്ഥ്യമാണെന്ന് കെപിസിസി അധ്യക്ഷന് കെ സുധാകരന് പറഞ്ഞു. പിണറായി വിജയന് കേരളത്തിന്റെ ഖജനാവ് കാലിയാക്കുകയാണെന്നും എല്ലാക്കാലവും ഐക്യജനാധിപത്യ മുന്നണി സമാധാനം പാലിക്കില്ലെന്നും കെ സുധാകരന് പറഞ്ഞു.