ജനങ്ങള്‍ തെരഞ്ഞെടുത്ത സര്‍ക്കാരിനെ അട്ടിമറിക്കുന്നതാണ് ബിജെപിയുടെ ഭരണമാതൃക- അശോക് ഗെഹ്ലോട്ട്

ബംഗളുരു: ജനങ്ങള്‍ തെരഞ്ഞെടുത്ത സര്‍ക്കാരിനെ അട്ടിമറിക്കുക എന്നതാണ് ബിജെപിയുടെ ഭരണമാതൃകയെന്ന് രാജസ്ഥാന്‍ മുഖ്യമന്ത്രിയും മുതിര്‍ന്ന കോണ്‍ഗ്രസ് നേതാവുമായ അശോക് ഗെഹ്ലോട്ട്. രാജസ്ഥാന്‍ സര്‍ക്കാരിനെ അട്ടിമറിക്കാനായി ഇറക്കിയ പണം ബിജെപിക്ക് നഷ്ടമായെന്നും എവിടെയൊക്കെ കോണ്‍ഗ്രസ് സര്‍ക്കാര്‍ രൂപീകരിക്കുന്നുവോ അവിടെയെല്ലാം രാജസ്ഥാന്‍ മാതൃക പരീക്ഷിച്ചാല്‍ മാത്രമേ സമൂഹത്തെ സംരക്ഷിക്കാനാവുകയുളളുവെന്നും അശോക് ഗെഹ്ലോട്ട് പറഞ്ഞു. കര്‍ണാടകയില്‍ നടന്ന തെരഞ്ഞെടുപ്പ് പ്രചാരണ പരിപാടിയില്‍ സംസാരിക്കുകയായിരുന്നു അദ്ദേഹം. 

കഴിഞ്ഞ ദിവസം പ്രധാനമന്ത്രി നരേന്ദ്രമോദി കോണ്‍ഗ്രസിനുളളിലെ തമ്മില്‍തല്ലിനെ പരിഹസിച്ചിരുന്നു. കോണ്‍ഗ്രസിന് വോട്ടുചെയ്യുക എന്നതിനര്‍ത്ഥം തമ്മില്‍ തല്ലുന്ന സര്‍ക്കാര്‍ രൂപീകരിക്കുക എന്നാണ് എന്ന് മോദി പറഞ്ഞിരുന്നു. അതിനുമറുപടിയായാണ് ഗെഹ്ലോട്ടിന്റെ പരാമര്‍ശം. 'ബിജെപിയും ഭിന്നിപ്പിക്കപ്പെട്ട വീടാണ്. തെരഞ്ഞെടുക്കപ്പെട്ട സര്‍ക്കാരുകളെ അട്ടിമറിക്കുക എന്നതാണ് ആ പാര്‍ട്ടിയുടെ ഭരണമാതൃക. മധ്യപ്രദേശ്, ഗോവ, മണിപ്പൂര്‍ എന്നീ സംസ്ഥാനങ്ങള്‍ അതിന് ഉദാഹരണമാണ്. എന്നാല്‍ രാജസ്ഥാനില്‍ അവരുടെ ശ്രമം പാളിപ്പോയി. രാജസ്ഥാന്‍ സര്‍ക്കാരിനെ അട്ടിമറിക്കാനായി ഇറക്കിയ പണം ബിജെപിക്ക് നഷ്ടമായി'- അശോക് ഗെഹ്ലോട്ട് പറഞ്ഞു.

മുസിരിസ് പോസ്റ്റിനെ ടെലഗ്രാംവാട്‌സാപ്പ് എന്നിവയിലൂടേയും  ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക 

കര്‍ണാടകയില്‍ കോണ്‍ഗ്രസിന്റെ താരപ്രചാരകരിലൊരാളാണ് അശോക് ഗെഹ്ലോട്ട്. തിങ്കളാഴ്ച്ച മാംഗ്ലൂരും ബംഗളുരുവിലും അദ്ദേഹം പ്രചാരണത്തിനായി എത്തിയിരുന്നു. രണ്ടിടത്തുമുളള രാജസ്ഥാനികളെ ലക്ഷ്യംവെച്ചായിരുന്നു കോണ്‍ഗ്രസിന്റെ നീക്കം. കര്‍ണാടകയില്‍ നാലുലക്ഷം രാജസ്ഥാനികളുണ്ട്. അവരില്‍ ഒന്നരലക്ഷംപേര്‍ക്ക് കര്‍ണാടകയില്‍ വോട്ടുണ്ട്. മാര്‍വാഡി വ്യാപാരി സമൂഹത്തെ സ്വാധീനിക്കാന്‍ ഗെഹ്ലോട്ടിന് കഴിയുമെന്നാണ് കോണ്‍ഗ്രസിന്റെ പ്രതീക്ഷ.

Contact the author

National Desk

Recent Posts

National Desk 2 weeks ago
National

ജൂണ്‍ രണ്ടിന് ജയിലിലേക്ക് മടങ്ങും, എന്റെ ജീവന്‍ നഷ്ടമായാലും ഏകാധിപത്യത്തിനെതിരായ പോരാട്ടം തുടരണം- അരവിന്ദ് കെജ്രിവാള്‍

More
More
National Desk 2 weeks ago
National

ഗാന്ധിജിയെ ലോകമറിഞ്ഞത് സിനിമയിലൂടെയെന്ന പരാമര്‍ശത്തില്‍ മോദിക്കെതിരെ കേസ്

More
More
National Desk 2 weeks ago
National

പ്രജ്വല്‍ രേവണ്ണ അറസ്റ്റില്‍; പിടിയിലായത് 34 ദിവസത്തിനുശേഷം

More
More
National Desk 2 weeks ago
National

ചരിത്രത്തില്‍ ഒരു പ്രധാനമന്ത്രിയും ഇങ്ങനെ വര്‍ഗീയത പറഞ്ഞിട്ടില്ല; മോദിക്കെതിരെ മന്‍മോഹന്‍ സിംഗ്

More
More
National Desk 2 weeks ago
National

ലോകത്തെ ഏറ്റവും രുചികരമായ ഭക്ഷണം ലഭിക്കുന്ന സ്ഥലങ്ങളുടെ പട്ടികയില്‍ ഇടംനേടി മുംബൈയും

More
More
National Desk 2 weeks ago
National

പ്രായശ്ചിത്തം ചെയ്യാനാണ് മോദി ധ്യാനത്തിന് പോകുന്നതെങ്കില്‍ നല്ലത്- കപില്‍ സിബല്‍

More
More