ഡല്ഹി: സുരക്ഷാ പ്രശ്നത്തെ തുടര്ന്ന് കേന്ദ്ര സര്ക്കാര് 14 മൊബൈല് ആപ്പുകള് നിരോധിച്ചു. ഐ.എം.ഒ അടക്കമുള്ള ആപ്പുകളാണ് കേന്ദ്രം വിലക്കിയത്. ജമ്മു കശ്മീര് കേന്ദ്രീകരിച്ച് ഭീകരർ ഈ മെസഞ്ചർ ആപ്പുകള് ഉപയോഗിക്കുന്നുണ്ടെന്ന് രഹസ്യ അന്വേഷണ വിഭാഗം കണ്ടെത്തിയത്തിനെ തുടര്ന്നാണ് കേന്ദ്ര സര്ക്കാര് ആപ്പുകള് നിരോധിച്ചത്. ക്രിപ് വൈസര്, എനിഗ്മ, സേഫ്വിസ്, വിക്കര്മീ, മീഡിയഫയര്, ബ്രിയര്, ബി ചാറ്റ്, നാന്ഡ്ബോക്സ്, കോണിയന്, ഐ.എം.ഒ, എലമെന്റ്, സെക്കന്റ് ലൈന്, സാന്ഗി, ത്രീമാ എന്നീ മെസഞ്ചര് ആപ്പുകളാണ് കേന്ദ്ര സര്ക്കാര് നിരോധിച്ചത്.
2000 - ലെ ഇൻഫർമേഷൻ ടെക്നോളജി ആക്ട് സെക്ഷൻ 69 എ പ്രകാരമാണ് മൊബൈൽ ആപ്പുകൾ ബ്ലോക്ക് ചെയ്തതെന്ന് ഉദ്യോഗസ്ഥർ വ്യക്തമാക്കി. നിരോധിച്ച ആപ്പുകൾ പാക്കിസ്ഥാനിൽനിന്നും സന്ദേശങ്ങൾ സ്വീകരിക്കാൻ ഉപയോഗിച്ചു എന്ന് കണ്ടെത്തിയതിനെ തുടർന്നാണ് നടപടി. ജമ്മു കശ്മീരിലെ ഭീകരർ സന്ദേശം പ്രചരിപ്പിക്കുന്നതിനും ആപ്പുകൾ ഉപയോഗിച്ചതായി കണ്ടെത്തിയിട്ടുണ്ട്. ഇത്തരത്തിൽ ഉപയോഗിക്കുന്ന ആപ്പുകളിൽ നടക്കുന്ന പ്രവർത്തനങ്ങൾ ട്രാക്കുചെയ്യുന്നത് എളുപ്പമല്ലെന്നും ഉദ്യോഗസ്ഥര് മാധ്യമങ്ങളോട് പറഞ്ഞു.