കൊല്‍ക്കത്ത: ബോളിവുഡ് സിനിമകള്‍ക്കെതിരെ നടക്കുന്ന ബഹിഷ്‌കരണാഹ്വാനങ്ങളില്‍ പ്രതികരണവുമായി നടി കരീനാ കപൂര്‍. സിനിമകള്‍ ബഹിഷ്‌കരണം ചെയ്യാന്‍ ആഹ്വാനം ചെയ്യുന്നതിനോട് താന്‍ ഒട്ടും യോജിക്കുന്നില്ലെന്ന് കരീനാ കപൂര്‍ പറഞ്ഞു. 'സിനിമകള്‍ ഇല്ലാതാവുകയാണെങ്കില്‍ ഞങ്ങള്‍ എങ്ങനെ നിങ്ങളെ രസിപ്പിക്കും. നിങ്ങളുടെ ജീവിതത്തില്‍ എങ്ങനെ സന്തോഷവും ആസ്വാദനവുമുണ്ടാകും? സിനിമകളില്ലെങ്കില്‍ വിനോദത്തിന്റെ കാര്യം എന്താവും? എല്ലാവര്‍ക്കും ആവശ്യമുളള ഒന്നാണ് സിനിമ എന്നാണ് ഞാന്‍ കരുതുന്നത്'- കരീന പറഞ്ഞു. കൊല്‍ക്കത്തയില്‍ നടന്ന ഒരു പരിപാടിക്കിടെയായിരുന്നു നടിയുടെ പ്രതികരണം.
ഷാറൂഖ് ഖാന്‍ ചിത്രം പഠാന്‍ സിനിമയിലെ ഗാനരംഗത്തിന്റെ പേരില്‍ ബഹിഷ്‌കരണാഹ്വാനങ്ങള്‍ നേരിടുന്ന പശ്ചാത്തലത്തിലാണ് കരീനയുടെ പ്രതികരണം. ബേഷരം രംഗ് എന്ന ഗാനത്തില്‍ ദീപികാ പദുക്കോണ്‍ ധരിക്കുന്ന ബിക്കിനിയുടെ നിറം കാവിയാണെന്നും അത് തങ്ങളുടെ വികാരം വ്രണപ്പെടുത്തുന്നതാണ് എന്നും ചൂണ്ടിക്കാട്ടിയാണ് തീവ്ര ഹിന്ദുത്വവാദികള്‍ സിനിമയ്‌ക്കെതിരെ ബഹിഷ്‌കരണാഹ്വാനം നടത്തുന്നത്.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
ആമിര്‍ ഖാനും കരീനാ കപൂറും കേന്ദ്രകഥാപാത്രങ്ങളായെത്തിയ ലാല്‍ സിംഗ് ചദ്ദയ്‌ക്കെതിരെയും ബഹിഷ്‌കരണാഹ്വാനം നടന്നിരുന്നു. ആമിര്‍ ഖാന്റെ ഭാര്യ 2015-ല്‍ നടത്തിയ പരാമര്‍ശം ചൂണ്ടിക്കാട്ടിയാണ് ചിത്രം ബഹിഷ്‌കരിക്കാന്‍ ഹിന്ദുത്വവാദികള്‍ ആഹ്വാനം ചെയ്തത്.
