തിരുവനന്തപുരം: സ്കൂള് കലോത്സവത്തിന് ഭക്ഷണം പാചകംചെയ്യാന് ഇനിയില്ലെന്ന് പഴയിടം മോഹനന് നമ്പൂതിരി അറിയിച്ചതിനുപിന്നാലെ വിഷയത്തില് പ്രതികരണവുമായി യാക്കോബായ സഭാ നിരണം ഭദ്രാസനാധിപന് ഗീവര്ഗീസ് കൂറിലോസ്. 'പഴയ ഇടങ്ങള് മാത്രം പോരല്ലോ, എല്ലാ 'ഇടത്തും' പുതിയ ഇടങ്ങള് കൂടി വരട്ടെ' എന്നാണ് ഗീവര്ഗീസ് കൂറിലോസ് ഫേസ്ബുക്കില് കുറിച്ചത്. ഭക്ഷണമുണ്ടാക്കുന്നതുമായി ബന്ധപ്പെട്ട വിവാദങ്ങള് ആശങ്കയുണ്ടാക്കിയെന്നും പുതിയ കാലത്തിന്റെ കലവറയില് പഴയിടത്തിന്റെ സാന്നിദ്ധ്യം ആവശ്യമില്ലെന്നും ചൂണ്ടിക്കാട്ടിയാണ് പഴയിടം മോഹനന് നമ്പൂതിരി താന് കലോത്സവത്തിന് ഇനി ഭക്ഷണമുണ്ടാക്കില്ലെന്ന് അറിയിച്ചത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
തുടര്ച്ചായി കലോത്സവത്തിന് ഭക്ഷണം പാചകംചെയ്യാന് പഴയിടത്തിന് ടെന്ഡര് നല്കുന്നതിനും വെജ് ഭക്ഷണം മാത്രം കൊടുക്കുന്നതിനുമെതിരെ സമൂഹമാധ്യമങ്ങളില് വിമര്ശനമുയര്ന്നിരുന്നു. പ്രതിപക്ഷ നേതാക്കളും സാംസ്കാരിക പ്രവര്ത്തകരും മാധ്യമപ്രവര്ത്തകരുമടക്കം നോണ് വെജ് ഭക്ഷണം നല്കാത്തതിനെതിരെ രംഗത്തെത്തി. ഇതോടെയാണ് താന് ഇനി കലോത്സവത്തിന് ഭക്ഷണം വിളമ്പില്ലെന്ന് പഴയിടം പ്രഖ്യാപിച്ചത്.
അതേസമയം, അടുത്ത കലോത്സവം മുതല് നോണ് വെജ് ആഹാരം കലോത്സവത്തിന് ഉണ്ടാകുമെന്ന് വിദ്യാഭ്യാസമന്ത്രി വി ശിവന്കുട്ടി കഴിഞ്ഞ ദിവസം പ്രഖ്യാപിച്ചിരുന്നു. നോണ് വെജ് ഭക്ഷണം നല്കുന്നത് സംബന്ധിച്ച് കമ്മിറ്റി രൂപീകരിച്ച് പഠനം നടത്തി തീരുമാനമെടുക്കുമെന്നാണ് മന്ത്രി പറഞ്ഞത്.