പാലാ ബിഷപ്പു മുതല് വിഴിഞ്ഞത്തെ അച്ചന്വരെ ഒരേ അച്ചില് വാര്ത്ത മുസ്ലീം വിരുദ്ധതയാണ് തള്ളുന്നത്. ആ ശത്രുതയ്ക്ക് ഇപ്പോള് വലിയ വിപണിയാണ്. തെരഞ്ഞെടുപ്പില് നാം അതു കണ്ടതാണ്. പാലാ ബിഷപ്പിനെ തിരുത്താനല്ല പിന്തുണയ്ക്കാനാണ് പല രാഷ്ട്രീയ നേതാക്കളും ശ്രമിച്ചത്. അന്നു വിതച്ചതു വിളയുകയാണ് വിഴിഞ്ഞത്തെ അച്ഛന്റെ നാവില്. പേരില് തീവ്രവാദം കാണുന്ന ആ കാഴ്ച്ചയും അത് ഉച്ചരിക്കുന്ന ധിക്കാരവും നിയമനടപടിക്കു വിധേയമാകുന്നില്ലെങ്കില് ഇതു ജനാധിപത്യ സമൂഹമല്ലാതാവും.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
പാലാ ബിഷപ്പിനു പിന്തുണ കൊടുത്തവരും പാണക്കാട്ടു പോയാല് തീവ്രവാദിയാകുമെന്ന് പറയുന്നവരും വിഴിഞ്ഞത്തെ അച്ചന് പറഞ്ഞപ്പോള് മാത്രം ഞെട്ടിയെങ്കില് അതു മറ്റെന്തോ അസുഖമാണ്. ആ ഞെട്ടല് മത്സ്യത്തൊഴിലാളികളുടെ ജീവന്മരണ പോരാട്ടം മറച്ചുവെക്കാനുള്ള ബഹളംവെപ്പാണ്. അച്ചനെതിരെ നിയമ നടപടി സ്വീകരിക്കാനും മത്സ്യത്തൊഴിലാളികള് ഉന്നയിക്കുന്ന പ്രശ്നങ്ങള്ക്കു പരിഹാരം കാണാനുമാണ് ആദ്യം ശ്രമമുണ്ടാവേണ്ടത്. ഉത്തരവാദിത്തപ്പെട്ടവര് അത് ചെയ്തുകാണുന്നില്ല. അതില് പ്രതിഷേധമുണ്ട്.