ഡല്ഹി: ബിജെപി വന് തോതില് പണമൊഴുക്കിയാണ് രാമരാജ്യമുണ്ടാക്കുന്നതെന്ന് തൃണമൂല് കോണ്ഗ്രസ് എംപി മഹുവ മൊയ്ത്ര. തെരഞ്ഞെടുപ്പുകള് വരുമ്പോള് കോടികളാണ് ബിജെപി ഓരോ സംസ്ഥാനങ്ങളിലും ഇറക്കുന്നതെന്നും രാമരാജ്യമുണ്ടാക്കുക അവര്ക്ക് വലിയ ചിലവുതന്നെയാണെന്നും മഹുവ പറഞ്ഞു. ട്വിറ്ററിലൂടെയായിരുന്നു തൃണമൂല് എംപിയുടെ പരിഹാസം.
'2022-ല് അഞ്ച് സംസ്ഥാനങ്ങളിലേക്ക് നടന്ന തെരഞ്ഞെടുപ്പില് ബിജെപി 340 കോടി രൂപയാണ് ചെലവഴിച്ചത്. അതില് 221 കോടി രൂപ ഉത്തര്പ്രദേശില് മാത്രം ചിലവഴിച്ചതാണ്. ഇത് അവര് തന്നെ പുറത്തുവിട്ട കണക്കാണ്. യഥാര്ത്ഥ കണക്ക് അതിലും എത്രയോ ആകാം. രാമരാജ്യം വളരെ ചെലവേറിയ കാര്യമാണ്'-മഹുവ മൊയ്ത്ര ട്വീറ്റ് ചെയ്തു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
രാഹുല് ഗാന്ധിയുടെ ടീ ഷര്ട്ടിന്റെ വിലയെക്കുറിച്ച് ബിജെപി പ്രചരിപ്പിച്ച വ്യാജ വാര്ത്തകളെക്കുറിച്ചും മഹുവ പ്രതികരിച്ചിരുന്നു. 'ബാഗുകളുടേയും ടീ ഷര്ട്ടുകളുടെയും വില മറന്നേക്കൂ. കാക്കി ട്രൗസറുകള്ക്ക് വില കൊടുക്കുന്ന തിരക്കിലാണ് ഇന്ത്യക്കാര്'-എന്നായിരുന്നു മഹുവ ട്വീറ്റ് ചെയ്തത്. ഭാരത് ജോഡോ യാത്രക്കിടെ രാഹുല് ഗാന്ധി ഉപയോഗിച്ച ടീ ഷര്ട്ടിന്റെ വിലയെക്കുറിച്ചും മഹുവ മൊയ്ത്ര ഉപയോഗിക്കുന്ന വിലകൂടിയ ബാഗിനെക്കുറിച്ചുമെല്ലാം ബിജെപി വ്യാജ വാര്ത്തകള് പ്രചരിപ്പിച്ചിരുന്നു.