കുവൈത്ത് സിറ്റി: അനധികൃതമായി കുവൈത്തില് കഴിയുന്ന ഇന്ത്യക്കാര്ക്ക് പൊതുമാപ്പു പ്രകാരം രേഖകളുമായി ഹാജരാകാന് നിശ്ചയിച്ച തീയതി നീട്ടിയതായി ഇന്ത്യന് എംബസി അറിയിച്ചു. കുവൈത്ത് സര്ക്കാരിനെ ഉദ്ദരിച്ച് ഇന്ത്യന് എംബസ്സിയുടെ ലേബര് വിഭാഗമാണ് വിവരം അറിയിച്ചിരിക്കുന്നത്.
പുതുക്കിയ തീയതിയനുസരിച്ച് ഈ മാസം (ഏപ്രില്) 16 മുതല് 20 വരെ കുവൈത്ത് സര്ക്കാര് നിശ്ചയിച്ച സ്ഥലങ്ങളിലാണ് ഇന്ത്യന് പ്രവാസികള് എത്തേണ്ടത്. പൊതുമാപ്പ് ആനുകൂല്യം എല്ലാവരും ഉപയോഗപ്പെടുത്തണമെന്ന് കുവൈത്തിലെ ഇന്ത്യന് എംബസി എല്ലാ പ്രവാസികലോടും അഭ്യര്ഥിച്ചു. ഈ അവസരം ഉപയോഗിക്കാതെ കുവൈത്തില് തങ്ങുന്നവര്ക്കെതിരെ കടുത്ത നടപടികള് ഉണ്ടാവുമെന്ന് സര്ക്കാര് വൃത്തങ്ങള് നേരത്തെ സൂചന നല്കിയിട്ടുണ്ട്.