ഞായറാഴ്ച സംസ്ഥാനത്ത് കൊവിഡ്-19 സ്ഥിരീകരിച്ച 20 പേരില് എറണാകുളം ജില്ലയിലെ ആരോഗ്യ പ്രവർത്തകനും. ആലുവ ചൊവ്വര സ്വദേശിയായ ഇദ്ദേഹം ജോയിന്റ് ഹെല്ത്ത് ഇന്സ്പെക്ടറാണ്. നെടുമ്പാശ്ശേരിയിലാണ് ഇയാൾ ജോലി ചെയ്യുന്നത്. നെടുമ്പാശ്ശേരി വിമാനത്താവളത്തിൽ നിന്ന് രോഗ ബാധയുണ്ടായി എന്നാണ് നിഗമനം.
വിമാനത്താവളം അടക്കുന്നതിന് മുമ്പ് ഇവിടെ ഡ്യൂട്ടിയിലുണ്ടായിരുന്നു. തുടർന്ന് ഇയാളോട് നിരീക്ഷണത്തിൽ പോകാൻ ആവശ്യപ്പെടുകയായിരുന്നു. രോഗ ലക്ഷണങ്ങൾ കണ്ടതിനെ തുടർന്ന് ആശുപത്രിയിലാക്കി . ആശുപത്രിയിൽ ഐസൊലേഷൻ വാർഡിൽ നിരീക്ഷണത്തിലായിരുന്നു. ഇവിടെ നിന്നാണ് സ്രവം പരിശോധനക്ക് അയച്ചത്. ഇയാളുമായി സമ്പർക്കിലുണ്ടിയിരുന്നവരോട് ഹോം ക്വാറന്റൈനിൽ കഴിയാൻ നിർദ്ദേശിച്ചിട്ടുണ്ട്. ഇയാളുടെ സമ്പർക്കപ്പട്ടിക ആരോഗ്യ വകുപ്പ് ഉടൻ തയ്യാറാക്കും