തിരുവനന്തപുരം: ശിശുക്ഷേമ സമിതിക്കെതിരെ നടക്കുന്ന പ്രചാരണം തെറ്റാണെന്ന് ശിശുക്ഷേമ സമിതി ജനറല് സെക്രട്ടറി ഷിജു ഖാന്. പൊതുജനങ്ങള്ക്ക് മുന്പില് ശിശുക്ഷേമ സമിതിയെ മോശമായി ചിത്രീകരിക്കാനാണ് ഒരു കൂട്ടര് താത്പര്യപ്പെടുന്നതെന്നും ഇത്തരം വ്യാജ പ്രചരണത്തെ പൊതുസമൂഹം തള്ളിക്കളയണമെന്നും ഷിജു ഖാന് പറഞ്ഞു. ശിശു ക്ഷേമ സമിതിക്ക് ദത്ത് നല്കാന് ലൈസന്സില്ല എന്ന ആരോപണം തെറ്റാണ്. സംസ്ഥാന സര്ക്കാര് 2017 ഡിസംബര് 20ന് അനുവദിച്ച രജിസ്ട്രേഷന് 2022 ഡിസംബര് വരെ കാലാവധിയുണ്ടെന്നും ഷിജു ഖാന് കൂട്ടിച്ചേര്ത്തു.
ജുവനൈല് ജസ്റ്റിസ് ആക്ട് 2015 സെക്ഷന് 41 പ്രകാരമാണ് സമിതി പ്രവര്ത്തിക്കുന്നത്. സി ഡബ്ല്യു സി ഉത്തരവ് പ്രകാരമാണ് അനാഥരും ഉപേക്ഷിക്കപ്പെട്ടവരുമായ കുഞ്ഞുങ്ങളെ സമതി പരിപാലിക്കുന്നത്. ദേശീയ അന്തർദേശീയ തലത്തിൽ അംഗീകരിക്കപ്പെട്ട കുട്ടികളുടെ അവകാശങ്ങൾ സംരക്ഷിച്ചാണ് സമിതി പ്രവർത്തിക്കുന്നത്. അടിസ്ഥാനമില്ലാത്ത ആരോപണങ്ങളിലൂടെ സമിതിയെ ഇല്ലാതാക്കാനാണ് പലരും ശ്രമിക്കുന്നതെന്നും അദ്ദേഹം കുറ്റപ്പെടുത്തി.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ശിശുക്ഷേമ സമിതിയുടെ ലൈസന്സുമായി ബന്ധപ്പെട്ട വിവരങ്ങളെക്കുറിച്ച് മാത്രമാണ് ഷിജു ഖാന് വിശദീകരണം നല്കിയത്. അനുപമ വിഷയത്തെക്കുറിച്ചും കുട്ടിക്കടത്തുമായി ബന്ധപ്പെട്ടും തനിക്കെതിരെ ഉയര്ന്നുവന്ന ആരോപണങ്ങള്ക്ക് ഷിജു ഖാന് മറുപടി നല്കിയില്ല. ശിശുക്ഷേമ സമിതിയുടെ പ്രവര്ത്തനം സുതാര്യമാണെന്ന് മാത്രമേ ഷിജു ഖാന് പുറത്തിറക്കിയ വാര്ത്താ കുറിപ്പില് വ്യക്തമാക്കുന്നുള്ളൂ.