പന്തീരാങ്കാവ് യുഎപിഎ കേസില് (Pantheeramkavu UAPA case) ജയിലില് കഴിയുന്ന താഹ ഫസലിന് (Thaha fasal) ജാമ്യം. കേസില് പ്രതിയായ അലന് ഷുഹൈബിന്റെ ജാമ്യം റദ്ദാക്കണമെന്ന എന്ഐഎയുടെ വാദവും കോടതി തള്ളി. കോടതി വിധിയില് സന്തോഷമുണ്ടെന്ന് ഫസലിന്റെ ഉമ്മ പ്രതികരിച്ചു. എന് ഐ എക്കുമാത്രമല്ല അന്യായമായി യുഎപിഎ ചുമത്തിയ കേരളാ സര്ക്കാരിനുകൂടിയുളള തിരിച്ചടിയാണ് ഫസലിന് ലഭിച്ച ജാമ്യമെന്ന് അലന്റെ പിതാവ് ഷുഹൈബും പ്രതികരിച്ചു.
കേരളത്തില് ഏറെ ചര്ച്ച ചെയ്യപ്പെട്ട പന്തീരാങ്കാവ് മാവോയിസ്റ്റ് കേസില് സുപ്രീംകോടതിയില് വാദം നേരത്തെ പൂര്ത്തിയായിരുന്നു. അലന് ഷുഹൈബിന്റെ ജാമ്യം റദ്ദാക്കണമെന്ന എന്ഐഎയുടെ ആവശ്യത്തിലും, താഹ ഫസല് സമര്പ്പിച്ച ജാമ്യാപേക്ഷയിലുമാണ് വാദം പൂര്ത്തിയായത്. എന്ഐഎയുടെയും പ്രതികളുടെയും വാദം കേട്ട ശേഷമാണ് ജസ്റ്റിസ് അജയ് രസ്തോഗി അധ്യക്ഷനായ ബെഞ്ച് കേസ് വിധി പറയാന് മാറ്റിയത്. നേരത്തെ എന്ഐഎ കോടതിയാണ് അലന് ഷുഹൈബിന് ജാമ്യം നല്കിയത്. എന്നാല് താഹക്ക് ജാമ്യം നല്കിയിരുന്നില്ല.
updating...