ഡല്ഹി: കേന്ദ്ര സര്ക്കാരിനെതിരെ രൂക്ഷ വിമര്ശനവുമായി തൃണമൂല് കോണ്ഗ്രസ് എംപി ഡെറെക് ഒബ്രിയന്. ട്വിറ്ററിലൂടെയാണ് ഒബ്രിയന് കേന്ദ്ര സര്ക്കാരിനെ വിമര്ശിച്ചത്. ഡെറെക് ഒബ്രിയന് പ്രതിപക്ഷ എംഎല്എമാരുടെ 3 മിനിറ്റ് ദൈര്ഘ്യമുള്ള വീഡിയോ വിവിധ സാമൂഹിക മാധ്യമങ്ങളില് പങ്കുവെച്ചു.
പാര്ലമെന്റ് മണ്സൂണ് സമ്മേളനത്തില് ഇതുവരെ പെഗാസസ് വിഷയത്തെ കുറിച്ച് സംസാരിക്കുവാന് കേന്ദ്ര സര്ക്കാര് തയ്യാറായിട്ടില്ല. ഈ മാസം 13 -നാണ് സമ്മേളനം അവസാനിക്കുക. മിസ്റ്റര് മോദി ഇതുവഴി വരൂ, ഞങ്ങളെ കേള്ക്കുവെന്ന് പറഞ്ഞാണ് ഒബ്രിയാന് വീഡിയോ പങ്കുവെച്ചിരിക്കുന്നത്. പ്രതിപക്ഷത്തുള്ള എംപിമാരുടെ പ്രസംഗങ്ങള് ചേർത്തുകൊണ്ടാണ് 3 മിനിറ്റ് നീളമുള്ള വീഡിയോ നിര്മ്മിച്ചിരിക്കുന്നത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ഫോണ് ചോര്ത്തല് വിഷയത്തില് കേന്ദ്ര സര്ക്കാര് പ്രതികരിക്കാത്തതിനെ തുടര്ന്ന് ബിജെപിക്കെതിരെ ആഞ്ഞടിച്ച് മുതിര്ന്ന കോണ്ഗ്രസ് നേതാവ് പി. ചിദംബരവും രംഗത്തെത്തിയിരുന്നു. സര്ക്കാര് ഒട്ടകപക്ഷി മനോഭാവമുപേക്ഷിച്ച് പാര്ലമെന്റില് പെഗാസസ് വിഷയം ചര്ച്ച ചെയ്യണമെന്ന പ്രതിപക്ഷത്തിന്റെ ആവശ്യം അംഗീകരിക്കുമോ എന്ന് ചിദംബരം ചോദിച്ചു. പെഗാസസ് വിഷയം വര്ഷകാല സമ്മേളനത്തില് ചര്ച്ച ചെയ്യാന് സര്ക്കാര് അനുമതി നല്കാത്ത സാഹചര്യത്തിലാണ് പി. ചിദംബരത്തിന്റെ ട്വീറ്റ് ചെയ്തത്.
ഇസ്രായേല് ചാര സോഫ്റ്റ്വെയര് പെഗാസസ് ഉപയോഗിച്ചാണ് ഫോണ് കോളുകള് ചോര്ത്തിയിരിക്കുന്നത്. വിവിധ രാജ്യങ്ങളിലെ 16 മാധ്യമങ്ങൾ നടത്തിയ അന്വേഷണത്തിലാണ് വിവരങ്ങള് പുറത്ത് വന്നത്. പെഗാസസ് സോഫ്റ്റ്വെയര് ഉപയോഗിച്ച് ഐഫോൺ, ആന്ഡ്രോയിഡ് ഫോണുകളിലെ സന്ദേശങ്ങൾ, ഫോട്ടോകൾ, ഇമെയിലുകൾ ചോർത്താനാകും. രഹസ്യമായി മൈക്രോഫോൺ ഉപയോഗിച്ച് ഫോൺ റിംഗ് ചെയ്യാത്തപ്പോൾ പോലും സംഭാഷണം ചോർത്താന് സാധിക്കും.