കാഞ്ഞങ്ങാട്: കൊറോണാ വ്യാപനം തടയാന് സര്ക്കാര് മുന്നോട്ടു വെച്ച നിര്ദ്ദേശങ്ങള് അനുസരിക്കാന് തയാറായില്ലെങ്കില് കര്ശന നടപടിയെടുക്കുമെന്ന് കാസര്ഗോഡ് ജില്ലാ കലക്ടര് ഡി.സജിത്ത് ബാബു മുന്നറിയിപ്പ് നല്കി. ഇനി നിര്ദ്ദേശങ്ങളുണ്ടാകില്ലെന്നും നടപടികള് മാത്രമാണുണ്ടാവുകയെന്നും കലക്ടര് വ്യകതമാക്കി.
സര്ക്കാര് നിര്ദ്ദേശങ്ങള് കാറ്റില്പ്പറത്തി അതി രാവിലെ കടകള് തുറന്ന പതിനൊന്ന് വ്യാപാരികള്ക്കെതിരെ കര്ശന നടപടിയാണ് കലക്ടര് സ്വീകരിച്ചത്. തുറന്ന മുഴുവന് കടകളും നേരിട്ടെത്തി അടപ്പിച്ചു. രാവിലെ 10 -മണിക്ക് ശേഷമേ കട തുറക്കാവൂ എന്നാ നിര്ദ്ദേശം ലംഘിച്ച് കടതുറന്ന പതിനൊന്നു പേര്ക്കെതിരെ ആറുമാസം വരെ തടവ് ലഭിക്കാവുന്ന കുറ്റം ചാര്ത്തി പൊലിസ് കേസ് എടുത്തു
അതേസമയം കാസര്ഗോഡ് കൊറൊണയുടെ സമൂഹ വ്യാപനത്തിന് ഇടയില്ലെന്നും കാസര്ഗോഡ് ജില്ലാ കലക്ടര് ഡി.സജിത്ത് ബാബു പറഞ്ഞു.