എല്ലാ സർക്കാർ, സ്വകാര്യ എയ്ഡഡ്, എയ്ഡഡ് ഡിഗ്രി കോളേജുകളിലും ഇംഗ്ലീഷ് മീഡിയം നിർബന്ധമാക്കി ആന്ധ്ര സർക്കാർ. ഇംഗ്ലീഷ് പഠന മാധ്യമമാക്കാനുള്ള നിർദ്ദേശം ഈ അധ്യയന വർഷം മുതൽ പ്രാബല്യത്തിൽ വരുമെന്ന് മുഖ്യമന്ത്രി വൈ എസ് ജഗ്മോഹന് റെഡ്ഡി അറിയിച്ചു.
വിദ്യാർത്ഥികളുടെ ഇംഗ്ലീഷ് മെച്ചപ്പെടുത്തുന്നതിനായി കേംബ്രിഡ്ജ് സർവകലാശാലയും നഗരവികസന വകുപ്പും തമ്മിൽ ഈ വർഷം കരാർ ഒപ്പിട്ടിരുന്നു. കേംബ്രിഡ്ജ് സർവകലാശാല അധ്യാപകർക്കും വിദ്യാർത്ഥികൾക്കും ഇംഗ്ലീഷ് ഭാഷാ മെച്ചപ്പെടുത്തുന്നതിനായി പരിശീലനം നൽകും.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
തെലുങ്ക് മീഡിയം സ്കൂളുകളെ ഇംഗ്ലീഷ് മീഡിയമാക്കാനുള്ള നീക്കം നേരത്തെ ആന്ധ്ര ഹൈക്കോടതി തടഞ്ഞിരുന്നു. ഇതിനെതിരായ സംസ്ഥാന സർക്കാറിന്റെ ഹർജി സുപ്രീം കോടതിയുടെ പരിഗണനയിലാണ്. ഹൈക്കോടതിയുടെ നിലപാട് സമൂഹത്തിലെ ദുർബല വിഭാഗങ്ങളിൽ നിന്നുള്ള വിദ്യാര്ഥികളുടെ സാധ്യതകള് പരിമിതപ്പെടുത്തുമെന്ന് ആന്ധ്രസർക്കാർ സുപ്രീം കോടതിയെ അറിയിച്ചു. ഇംഗ്ലീഷിലുള്ള വിദ്യാഭ്യാസം വിദ്യാർത്ഥികളുടെ ഭാവിക്ക് ഗുണകരമാകുമെന്നാണ് സർക്കാറിന്റെ നിലപാട്. വിദ്യാർത്ഥികളുടെ വളർച്ചയ്ക്കും മികച്ച അവസരങ്ങൾ കൊണ്ടുവരാനും ഇംഗ്ലീഷ് വിദ്യാഭ്യാസം സഹായിക്കുമെന്ന് ആന്ധ്ര സർക്കാർ കോടതിയിൽ വ്യക്തമാക്കി.