തിരുവനന്തപുരം: നിയുക്ത പ്രതിപക്ഷ നേതാവ് വി.ഡി സതീശന് മികച്ച സാമാജികനാണെന്ന് കെപിസിസി അധ്യക്ഷന് മുല്ലപ്പള്ളി രാമചന്ദ്രന്. നല്ലൊരു നേതാവാണ് വിഡി സതീശന്. അദ്ദേഹം അത് പലതവണയായി തെളിയിച്ചിട്ടുണ്ടെന്നും, പ്രതിപക്ഷ നേതാവ് എന്ന രീതിയില് നല്ല പ്രവര്ത്തനം അദ്ദേഹം കാഴ്ച്ചവയ്ക്കുമെന്നും മുല്ലപ്പള്ളി രാമചന്ദ്രന് പറഞ്ഞു.
മുന് പ്രതിപക്ഷ നേതാവ് രമേശ് ചെന്നിത്തലയുടെ പ്രവര്ത്തനങ്ങളെയും അദ്ദേഹം പ്രശംസിച്ചു. കഴിഞ്ഞ അഞ്ച് വര്ഷം നല്ല രീതിയില് അദ്ദേഹം പ്രവര്ത്തിച്ചു, കഠിനാധ്വാനിയാണ് രമേശ് ചെന്നിത്തല, അദ്ദേഹം തന്റെ പ്രവര്ത്തനങ്ങളിലൂടെ പാര്ട്ടിയെ ഉയര്ത്തികൊണ്ട് വരുവാന് ശ്രമിച്ചിരുന്നു. കേരളം കണ്ട മികച്ച പ്രതിപക്ഷ നേതാവെന്ന രീതിയില് ചെന്നിത്തലയെ ചരിത്രം അടയാളപ്പെടുത്തുമെന്നും മുല്ലപ്പള്ളി കൂട്ടിച്ചേര്ത്തു.
കെപിസിസി അധ്യക്ഷനെന്ന രീതിയില് തെരഞ്ഞെടുപ്പ് പരാജയത്തിന്റെ ഉത്തരവാദിത്വം പൂര്ണമായും ഏറ്റെടുത്താതായി നേരത്തെ ഹൈക്കമാന്ഡിനെ അറിയിച്ചിരുന്നു. പാര്ട്ടിയുടെ വിശാലമായ താല്പര്യം പരിഗണിച്ച് പാര്ട്ടി എടുക്കുന്ന തീരുമാനങ്ങളെ അംഗീകരിക്കുമെന്നും മുല്ലപ്പള്ളി രാമചന്ദ്രന് വ്യക്തമാക്കി.