തിരുവനന്തപുരം: സോളാര്‍ പീഡനക്കേസ് സിബിഐയ്ക്ക് വിട്ടു. പരാതിക്കാരിയുടെ അപേക്ഷ പരിഗണിച്ചാണ് സംസ്ഥാനസര്‍ക്കാര്‍ തീരുമാനം. മുന്‍ മുഖ്യമന്ത്രി ഉമ്മന്‍ചാണ്ടി, കെസി വേണുഗോപാല്‍, എപി അനില്‍കുമാര്‍, അടൂര്‍പ്രകാശ്, ഹൈബി ഈഡന്‍, ബിജെപി നേതാവ് എപി അബ്ദുളളക്കുട്ടി എന്നിവര്‍ക്കെതിരായ കേസുകളാണ് സിബിഐയ്ക്കു വിട്ടത്.
നിലവില്‍ പ്രത്യേക അന്വേഷണ സംഘം ആറു കേസുകളും അന്വേഷിച്ചുവരുന്നുണ്ട്. അടുത്തിടെ പരാതിക്കാരിയായ സ്ത്രീ മുഖ്യമന്ത്രി പിണറായി വിജയന് സമര്‍പ്പിച്ച കത്തില്‍ കേസ് സിബിഐയ്ക്ക് കൈമാറണമെന്നാവശ്യപ്പെട്ടിരുന്നു. 2018ലാണ് ഉമ്മന്‍ചാണ്ടി, കെസി വേണുഗോപാല്‍, ഹൈബി ഈഡന്‍ എന്നിവര്‍ക്കെതിരെ സോളാര്‍ കേസ് പ്രതിയുടെ മൊഴിയുടെ അടിസ്ഥാനത്തില്‍ കേസെടുത്തത്.
പ്രധാന വാര്‍ത്തകള്‍ മാത്രം ടെലഗ്രാമില്‍ ലഭിക്കാന്‍ ഈ ലിങ്ക് ക്ലിക്ക് ചെയ്യുക
മന്ത്രിമാരുടെ ഔദ്യോഗിക വസതികളിലും എംഎല്‍എമാരുടെ വസതികളിലും ഹോട്ടലുകളിലുമായി പീഡിപ്പിച്ചെന്നാണ് മൊഴി. നിയമസഭാ തെരഞ്ഞെടുപ്പിന് മാസങ്ങള്‍ മാത്രമുളളപ്പോഴാണ് സര്‍ക്കാരിന്റെ നിര്‍ണായക നീക്കം.
