നാല് എംഎൽഎ മാർക്ക് കൊവിഡ് സ്ഥിരീകരിച്ചു. മുകേഷ്, ആൻസലൻ, കെ ദാസൻ, ബിജിമോൾ എന്നീ ഇടതുപക്ഷ എംഎൽഎമാർക്കാണ് കൊവിഡ് സ്ഥീരീകരിച്ചത്. ആരുടെയും നില ഗുരുതരമല്ല. ദാസനും, ആൻസലനും തിരുവനന്തപുരം മെഡിക്കൽ കോളേജിൽ ചികിത്സയിലാണ്. ബിജിമോളും മുകേഷും വീട്ടിലാണ്. രോഗം സ്ഥിരീകരിച്ച 4 എംഎൽഎമാരും നിലവിലെ നിയമസഭാ സമ്മേളനത്തിൽ പങ്കെടുത്തിട്ടുണ്ട്. ഇവർ ചർച്ചകളിൽ പങ്കെടുത്ത് സംസാരിച്ചിരുന്നു.
പ്രധാന വാര്‍ത്തകള്‍ മാത്രം ടെലഗ്രാമില്‍ ലഭിക്കാന്‍ ഈ ലിങ്ക് ക്ലിക്ക് ചെയ്യുക
എംഎൽഎമാർക്ക് കൊവിഡ് സ്ഥിരീകരിച്ച പശ്ചാത്തലത്തിൽ ആരോഗ്യ വകുപ്പ് പ്രത്യേക അറിയിപ്പൊന്നും ഇറക്കിയിട്ടില്ല. ആരോടും നിരീക്ഷണത്തിൽ പോകാനും ആവശ്യപ്പെട്ടിട്ടില്ല. കൊവിഡ് നിയന്ത്രണ വിധേയമായതിനാൽ അത്തരം നടപടികൾ വേണ്ടെന്നാണ് തീരുമാനം. കൊവിഡിന്റെ പശ്ചാത്തലത്തിൽ ബഡ്ജറ്റ് സമ്മേളനം നേരത്തെ വെട്ടിച്ചുരുക്കിയിരുന്നു.
