വയനാട്ടിൽ പ്രളയത്തിൽ വീട് തകർന്ന് യുവാവ് തൂങ്ങിമരിച്ചു. മേപ്പാടി പഞ്ചായത്തിലെ തൃക്കൈപ്പറ്റ പള്ളിക്കവല മൂഞ്ഞനാലിൽ സനിൽ ( 42)ആണ് മരിച്ചത്. പുരയിടത്തിലെ താത്ക്കാലിക ഷെഡ്ഡിലാണ് സനിൽ തൂങ്ങിമരിച്ചത്. 2019 ഓഗസ്റ്റിലെ പ്രളയത്തിൽ സനിലിലും കുടുംബവും താമസിച്ച വീട് തകർന്നിരുന്നു. താമസസ്ഥലത്തിന് കൈവശാവകാശ രേഖകൾ ഇല്ലാത്തതിനാൽ സനിലിന് ധനസഹായം ലഭിച്ചിരുന്നില്ല. ഇതിന് പിന്നാലെയാണ് യുവാവ് തൂങ്ങി മരിക്കുന്നത്.
പ്രളയത്തില് വീട് നശിച്ച ഇയാള്ക്ക് സഹായം ഒന്നും ലഭിച്ചില്ലെന്ന് ബന്ധുക്കള് ആരോപിച്ചു. ഭൂമിക്ക് കൈവശ രേഖയില്ലാത്തതിനാല് ഭവന പദ്ധതിയിലും ഉള്പ്പെട്ടിരുന്നില്ല.
സനിലിന്റെ കുടുംബത്തിന് പ്രളയദുരിതാശ്വാസം ഉടന ലഭ്യമാക്കുമെന്ന് ജില്ലാ ഭരണകൂടം അറിയിച്ചു. കുട്ടികളുടെ പഠനചെലവ് ഏറ്റെടുക്കുമെന്നും സർക്കാർ വ്യക്തമാക്കിയിട്ടുണ്ട്.