ചൈനീസ് സ്മാർട്ട്‌ഫോൺ നിർമാതാക്കളായ റിയൽമി ഇന്ത്യയിലെ ആദ്യത്തെ 5ജി ഫോൺ അവതരിപ്പിച്ചു. ക്വാൽകോം സ്‌നാപ്ഡ്രാഗൺ 865 ചിപ്പ്സെറ്റ്, സൂപ്പർഡാർട്ട് ഫ്ലാഷ് ചാർജ് ടെക്നോളജി, ഇൻ-ഡിസ്‌പ്ലേ ഫിംഗർപ്രിന്റ് സെൻസർ, ഡ്യുവൽ സെൽഫി ക്യാമറകൾ, 90 ഹെർട്സ് ഡിസ്‌പ്ലേ, 64 മെഗാപിക്സൽ ക്വാഡ് റിയർ ക്യാമറകൾ, തുടങ്ങിയ സവിശേഷതകളോടെയാണ് 'റിയൽമി എക്സ് 50 പ്രോ' എത്തുന്നത്.
രാജ്യത്ത് 5-ജി കണക്റ്റിവിറ്റിയ്ക്ക് അടിസ്ഥാന സൗകര്യങ്ങളില്ലെങ്കിലും ഇന്ത്യയിൽ ആദ്യ 5ജി ഫോൺ അവതരിപ്പിക്കാന്‍ കഴിഞ്ഞുവെന്നത് റിയൽമി-യുടെ നേട്ടമാണ്. 6 ജിബി റാമും 128 ജിബി ഇന്റേണൽ സ്റ്റോറേജുമുള്ള അടിസ്ഥാന വേരിയന്റിന് 37,999 രൂപയാണ് ഇന്ത്യയിലെ വില. 12 ജിബി റാം + 256 ജിബി സ്റ്റോറേജ് കോൺഫിഗറേഷനോടുകൂടിയ ടോപ്പ്-ഓഫ്-ലൈൻ മോഡലിന് 44,999 രൂപയുമാണ് വില. മോസ് ഗ്രീൻ, റസ്റ്റി റെഡ് നിറങ്ങളിലാണ് ഫോണ്‍ ലഭ്യമാവുക. ഫ്ലിപ്പ്കാർട്ട്, റിയൽമി.കോം എന്നീ സൈറ്റുകള്‍ വഴി വാങ്ങാം.
