മാർച്ച് ഒന്നിനും ജൂലൈ 12നുമിടയിൽ വിസ കാലാവധി അവസാനിച്ചവർക്ക് വിസ പുതുക്കാനോ രാജ്യം വിടാനോ ഉള്ള സമയപരിധി അവസാനിച്ചതായി യുഎഇ. അവരിൽ നിന്നും ഇന്ന് മുതൽ പിഴ ഈടാക്കി തുടങ്ങുമെന്നും ഭരണകൂടം അറിയിച്ചു.
വിസ പുതുക്കുന്നതിനുള്ള അപേക്ഷകള് ജൂലൈ 12 മുതല് ഫെഡറല് അതോരിറ്റി ഓഫ് ഐഡന്റിറ്റി ആന്റ് സിറ്റിസണ്ഷിപ്പ് സ്വീകരിക്കുന്നുണ്ട്. മാർച്ച് ഒന്നിനും ജൂലൈ 12 നും ഇടയിൽ വിസ കാലാവധി അവസാനിച്ചവർക്ക് ലഭിച്ച ഗ്രേസ് പീരിയഡ് ആണ് ഒക്ടോബർ പത്തോടെ അവസാനിച്ചത്.
കാലാവധി അവസാനിച്ച ശേഷം ആദ്യ ദിവസം 125 ദിര്ഹവും പിന്നീടുള്ള ഓരോ ദിവസും 25 ദിര്ഹവുമാണ് ഓവര്സ്റ്റേ ഫൈൻ. വിസ ക്യാന്സല് ചെയ്തവര്ക്ക് പുതിയ തൊഴില് വിസയിലേക്ക് മാറാന് ഒരു മാസത്തെ സമയം ലഭിക്കും. ഈ സമയപരിധിക്കുള്ളിൽ ഇവർക്ക് രാജ്യം വിട്ട് പുറത്തുപോകാനും സാധിക്കും.