കൊവിഡിനെ പ്രതിരോധിക്കാന് ഏറ്റവും ശക്തമായ പൊതുജനാരോഗ്യ മാര്ഗം മാസ്ക്കുകളാണെന്ന് യുഎസ് സെന്റര്സ് ഫോര് ഡിസീസ് കണ്ട്രോള് ആന്ഡ് പ്രിവന്ഷന് (സിഡിസി) ഡയറക്ടര് റോബര്ട്ട് റെഡ്ഫീല്ഡ്. ഫെയ്സ് മാസ്കുകള് വാക്സിനേക്കാള് മികച്ച പ്രതിരോധം തീര്ക്കുമെന്ന് അദ്ദേഹം പറഞ്ഞു. മാസ്ക് ധരിക്കുന്നതിന് എതിരായിരുന്നു യുഎസ് പ്രസിഡന്റ് ട്രംപ്. അടുത്ത കാലത്താണ് അദ്ദേഹം നിലപാട് മാറ്റിയത്. അപ്പോഴേക്കും അമേരിക്ക കൊവിഡ് രോഗികളുടെ എണ്ണത്തില് ഒന്നാംസ്ഥാനത്ത് എത്തിയിരുന്നു.
'മാസ്ക്കുകള് മികച്ച രോഗ പ്രതിരോധ സംവിധാനമാണ് എന്നതിന് വ്യക്തമായ ശാസ്ത്രീയ തെളിവുകള് ഞങ്ങളുടെ പക്കലുണ്ട്, അവ തന്നെയാണ് ഞങ്ങളുടെ ഏറ്റവും മികച്ച പ്രതിരോധ മാര്വും. ഒരു വാക്സിന് എടുക്കുന്നതിനേക്കാള് ഫെയ്സ് മാസ്കുകള് കൊവിഡില് നിന്ന് നമ്മെ സംരക്ഷിക്കുമെന്ന് ഞാന് ഉറപ്പു നല്കാം' റെഡ്ഫീല്ഡ് പറഞ്ഞു.