ലോകത്തെ ആകെ കൊറോണ വൈറസ് കേസുകളുടെ എണ്ണം ശനിയാഴ്ച 14 ദശലക്ഷം കടന്നു. 13 ദശലക്ഷം കടന്ന് വെറും നാല് ദിവസത്തിന് ശേഷമാണ് ഈ വര്‍ധനവ്. 100 മണിക്കുറിനുള്ളില്‍ ഇതാദ്യമായാണ് ഒരു ദശലക്ഷം കേസുകള്‍ വര്‍ദ്ധിക്കുന്നതെന്ന് വാര്‍ത്താ ഏജന്‍സി റോയിട്ടേഴ്സ് റിപ്പോര്‍ട്ട് ചെയ്തു.
അമേരിക്ക, ബ്രസീല്‍, ഇന്ത്യ, ദക്ഷിണാഫ്രിക്ക എന്നീ രാജ്യങ്ങളില്‍ മാത്രം വെള്ളിയാഴ്ച 237,743 പേരിലാണ് കൊവിഡ് സ്ഥിരീകരിച്ചത് .
അതേസമയം, കഴിഞ്ഞ 24 മണിക്കൂറിനുള്ളില്‍ 16 പുതിയ കേസുകളാണ് ചൈനയിലെ സിന്‍ജിയാങ് മേഖലയില്‍ റിപ്പോര്‍ട്ട് ചെയ്തത് . ന്യൂനപക്ഷ വിഭാഗമായ ഉയിഗുറുകള്‍ തിങ്ങി പാര്‍ക്കുന്ന പ്രദേശമായ സിന്‍ജിയാങിനെ പകര്‍ച്ചവ്യാധി ബാധിച്ചിട്ടില്ലയിരുന്നു.
