കൊവിഡ് കാലത്ത് രോഗികള്‍ക്കായി നിസ്വാര്‍ത്ഥ സേവനം നടത്തുന്ന ഡോക്ടര്‍മാരും, നേഴ്‌സ്മാരും ഉള്‍പ്പെടെയുള്ള ആരോഗ്യ പ്രവര്‍ത്തകരെ പ്രശംസിച്ച് ബോളിവുഡ് മെഗാസ്റ്റാര്‍ അമിതാഭ് ബച്ചന്‍. 77 കാരനായ നടനെ കഴിഞ്ഞ ഞായറാഴ്ച കൊവിഡ് പോസിറ്റീവ് ആയതിനെ തുടര്‍ന്ന് നാനാവതി ആശുപത്രിയില്‍ പ്രവേശിപ്പിച്ചിരുന്നു.
ആരോഗ്യപ്രവര്‍ത്തകരെ'' ദൈവത്തിന്റെ അവതാരങ്ങളെന്നാണ് '' ബിഗ് ബി സോഷ്യല്‍ മീഡിയയിലൂടെ വിശേഷിപ്പിച്ചത്. കവിതയിലൂടെയാണ് ആരോഗ്യ പ്രവര്‍ത്തകരോടുള്ള തന്റെ നന്ദി ബച്ചന്‍ പ്രകടിപ്പിച്ചത്. തനിക്കു വേണ്ടി പ്രാര്‍ത്ഥിക്കുന്ന ആരദകര്‍ക്കും ബച്ചന്‍ ബ്ലോഗിലൂടെ നന്ദി അറിയിച്ചു.
