കൊല്ലത്ത് കശുവണ്ടി ഫാക്ടറി ഉടമ ആത്മഹത്യ ചെയ്തു. നിർമല മാതാ കാഷ്യൂ ഫാക്ടറി ഉടമ സൈമണാണ് മരിച്ചത്. സ്വന്തം ഫാക്ടറിക്ക് ഉള്ളിൽ തൂങ്ങിമരിച്ച നിലയിൽ കണ്ടെത്തുകയായിരുന്നു. ബാങ്ക് ജപ്തിഭീഷണിയെ തുടർന്നാണ് സൈമൺ ആത്മഹത്യ ചെയ്തതെന്ന് ബന്ധുക്കൾ ആരോപിച്ചു. ബാങ്കിൽ നാല് കോടി രൂപയുടെ കടം ഇയാൾക്കുണ്ടായിരുന്നു. ഇതിനെ തുടർന്ന് ഏതാനും വർഷമായി ഫാക്ടറി പ്രവർത്തിക്കുന്നില്ല. ഇവരുടെ അക്കൗണ്ടുകൾ മരവിപ്പിച്ചരിുന്നു. എത്രയും പെട്ടെന്ന് കടബാധ്യതകൾ തീർക്കണമെന്ന് ബാങ്ക് സമ്മർദ്ദം ചെലുത്തിയിരുന്നു. ഇന്നലെ ഉച്ചക്ക് ശേഷം ഇയാൾ വീട്ടിൽ നിന്ന് പോയി. രാവിലെയാണ് ഫാക്ടറിയിൽ തൂങ്ങിമരിച്ച നിലയിൽ കണ്ടെത്തിയത്. ജില്ലാ ആശുപത്രിയിൽ പോസ്റ്റ് മോർട്ടത്തിന് ശേഷം മൃതദേഹം ബന്ധുക്കൾക്ക് വിട്ടുനൽകി.
Contact the author
Web Desk
