ഡൽഹിയിലെ സിആർപിഎഫ് ക്യാമ്പുകൾക്ക് നേരെ ഭീകരാക്രമണ ഭീഷണി. ഇന്റലിജന്റ്സ് റിപ്പോർട്ടിനെതുടർന്ന് രാജ്യതലസ്ഥാനത്ത് സുരക്ഷ ശക്തമാക്കി. സംസ്ഥാനത്ത് ജാഗ്രത പുലർത്താൻ സൈനികർക്ക് ഉന്നത ഉദ്യോഗസ്ഥർ നിർദ്ദേശം നൽകി. കൂടുതൽ വിശദാംശങ്ങൾ പുറത്തുവിട്ടിട്ടില്ല.
ജമ്മു കാശ്മീരിൽ ഭീകരാക്രമണങ്ങൾ നിരന്തരം ഉണ്ടാകുന്ന സാഹചര്യത്തിലാണ് ഇന്റലിജൻസ് വിഭാഗം മുന്നറിയിപ്പ് നൽകിയിരിക്കുന്നത്. ഡൽഹിയിലെയും വടക്കേ ഇന്ത്യയിലെയും മുഴുവൻ സൈനിക യൂണിറ്റുകളോടും ജാഗ്രത പാലിക്കാൻ നിർദ്ദേശിച്ചു. ആവശ്യമെങ്കിൽ കൂടുതൽ സേനാംഗങ്ങളെ വിന്യസിക്കാനും നിർദ്ദേശം നൽകിയിട്ടുണ്ട്.