മാഹിയിൽ കേരളക്കാർക്ക് മദ്യം നൽകില്ല. മാഹി സ്വദേശികൾക്ക് മാത്രം മദ്യം നൽകിയാൽ മതിയെന്ന് പോണ്ടിച്ചേരി സർക്കാർ ഉത്തരവ് ഇറക്കി. തിരിച്ചറിയിൽ കാർ‍‍ഡ് പരിശോധിച്ച് പോണ്ടിച്ചേരി സ്വദേശിയെന്ന് ഉറപ്പുവരുത്തിയ ശേഷംമാത്രമെ മദ്യം മാഹിയിൽ നിന്ന് ഇനിമുതൽ ലഭിക്കൂ. കൊവിഡിന്റെ പശ്ചാത്തലത്തിലാണ് പുതിയ തീരുമാനം. കൊവിഡ് ഭീഷണി ഒഴിഞ്ഞാലും ഇത് തുടരാൻ സാധ്യതയുണ്ട്. മദ്യത്തിന്റെ വിലകൂട്ടുന്നതിനെ കുറിച്ചും പോണ്ടിച്ചേരി സർക്കാർ ആലോചിക്കുന്നുണ്ട്.
പോണ്ടിച്ചേരി നഗരത്തിൽ കൂടുതൽ ഹോട്ട് സ്പോട്ടുകളുള്ള പശ്ചാത്തലത്തിലാണ് സർക്കാറിന്റെ പുതിയ തീരുമാനം. പ്രതിദിനം 50 ലക്ഷത്തോളം രൂപയുടെ മദ്യ വിൽപനയാണ് മാഹിയിൽ നടക്കുന്നത്. ഭൂരിഭാഗം ആവശ്യക്കാരും കേരളത്തിൽ നിന്ന് എത്തുന്നവരാണ്. ഫ്രഞ്ച് കോളനിയായിരുന്ന മാഹിയിൽ 60 ഓളം മദ്യ കടകളാണുള്ളത്. ഈ ആഴ്ച അവസാനത്തോടെ മാഹിയിൽ മദ്യ കടകൾ തുറന്നേക്കും
