ലണ്ടന്‍: ബ്രിട്ടനില്‍ കഴിഞ്ഞ 24 മണിക്കൂറിനുള്ളില്‍ 545 പേര്‍ മരണപ്പെട്ടൂ. ഇന്നലെ രാജ്യത്ത്160 പേരും തിങ്കളാഴ്ച 170 പേരുമാണ് മരണപ്പെട്ടു. കഴിഞ്ഞ രണ്ടു ദിവസങ്ങളില്‍ കുത്തനെ കുറഞ്ഞ് ആശ്വാസം പകര്‍ന്ന മരണനിരക്ക് ഇക്കഴിഞ്ഞ ആഴ്ചയിലെ ഏറ്റവും ഉയര്‍ന്ന നിരക്കിലേക്ക് മാറി മറിഞ്ഞിരിക്കുകയാണ്
ഞായറാഴ്ച 468 പേരും ശനിയാഴ്ച 384 പേരും വെള്ളിയാഴ്ച 428 പേരുമാണ് മരണപ്പെട്ടത്. ഏറ്റവും പുതിയ കണക്കനുസരിച്ച് കോവിഡ്-19 മൂലം ബ്രിട്ടനില്‍ മരണപ്പെട്ടവരുടെ എണ്ണം 35,341 ആയി. കൊവിഡ്-19 മൂലം യൂറോപ്പില്‍ ഏറ്റവുമധികം മരണം നടന്ന രാജ്യമാണ് ബ്രിട്ടന്‍.
ബ്രിട്ടനില്‍ കഴിഞ്ഞ 24 മണിക്കൂറിനുള്ളില്‍ 2,412 പേരില്‍ രോഗം സ്ഥിരീകരിച്ചു. ഇന്നലെയത് 2,711 ഉം തിങ്കളാഴ്ച 3,534 ഉം ഞായറാഴ്ച 3,450 ഉം ശനിയാഴ്ച 3,560 ഉം ആയിരുന്നു. കഴിഞ്ഞ 4 ദിവസങ്ങളെ അപേക്ഷിച്ച് ഇന്നും ഇന്നലെയും രോഗീ വര്‍ദ്ധനവില്‍ ഗണ്യമായ കുറവാണ് രേഖപ്പെടുത്തിയത്. എന്നാല്‍ മരണനിരക്ക് ഇന്ന് ആഴ്ചയിലെ ഏറ്റവും ഉയര്‍ന്ന നിരക്കിലെത്തിയിരിക്കുകയാണ്.
ഏറ്റവും പുതിയ കണക്കനുസരിച്ച് 2,48,818 പേര്‍ക്കാണ് ബ്രിട്ടനില്‍ രോഗം സ്ഥിരീകരിച്ചിരിക്കുന്നത്.
