കോവിഡിന് വാക്സിന് കണ്ടെത്തിയെന്ന അവകാശവാദവുമായി അമേരിക്കന് യുഎസ് ബയോടെക്നോളജി കമ്പനി. മനുഷ്യരില് നടത്തിയ ആദ്യഘട്ട പരീക്ഷണത്തില് ശുഭകരമായ ഫലമാണു നല്കുന്നതെന്ന് മരുന്ന് കമ്പനിയായ മൊഡേര്ണ പറയുന്നു. മരുന്ന് സ്വീകരിച്ചവരുടെ ശരീരത്തില് കോറോണ വൈറസിനെ പ്രതിരോധിക്കാനുള്ള ആന്റിബോഡികള് ഉത്പാദിപ്പിക്കപ്പെട്ടെന്നും ഇത് കോവിഡ് രോഗമുക്തരായവരുടെ ശരീരത്തില് കണ്ടെത്തിയ ആന്റിബോഡിയുടെ അളവിനേക്കാള് കൂടുതലാണെന്നുമാണ് അവകാശവാദം.
പരീക്ഷണത്തിനു ത യ്യാറായ വൊളന്റിയര്മാരുടെ സുരക്ഷിതത്വം ഉറപ്പാക്കാനായി നടത്തിയ ആദ്യഘട്ട പരീക്ഷണത്തിന്റെ ഫലമാണു പുറത്തുവന്നിരിക്കുന്നത്. പൂര്ണ്ണ ഫലം ഇതുവരെ പുറത്തുവന്നിട്ടില്ല. രണ്ടാം ഘട്ടത്തിൽ 600 പേരിൽ പരീക്ഷണം നടത്താനാണ് തീരുമാനം. വാക്സിന്റെ കാര്യക്ഷമത ഉറപ്പാക്കാനുള്ള അവസാന ഘട്ട പരീക്ഷണം ജൂലൈയിൽ നടക്കും. നേരത്തെ എലികളില് നടത്തിയ പരീക്ഷണവും വിജയകരമായിരുന്നുവെന്നാണ് കമ്പനി അവകാശപ്പെടുന്നു.