തിരുവനന്തപുരം: കൊവിഡ്-19 പ്രതിസന്ധി കാലത്ത് ജീവനക്കാരെ പിരിച്ചു വിടുന്ന നടപടികളിലേക്ക് നീങ്ങരുതെന്ന് ഐടി തൊഴിലാളികളുടെ സാംസ്കാരിക ഫോറമായ പ്രതിദ്ധ്വനി കംമ്പനികളോട് അഭ്യര്ഥിച്ചു. ഏതു തരത്തിലുള്ള പ്രതിസന്ധികളും നമുക്ക് കൂട്ടായി നേരിടാം. പ്രതിസന്ധി പരിഹരിക്കുന്നതിലേക്ക് സാധ്യമായ പോംവഴികള് ആലോചിക്കാം - സംഘടന കമ്പനികളോട് പ്രസ്താവനയില് ആവശ്യപ്പെട്ടു.
യാതൊരു തരത്തിലുള്ള തൊഴില് സുരക്ഷ്യവുമില്ലാത്ത ഐടി മേഖലയിലെ തൊഴില് വിഭാഗത്തില് ഏറ്റവും കുറഞ്ഞത് 30 ശതമാനം പേരുടെയെങ്കിലും ജോലി നഷ്ട്ടപ്പെടുമെന്നാണ് കണക്കാക്കപ്പെടുന്നത്. മാസവരുമാനത്തിന്റെ വലിയൊരു പങ്ക് ബാങ്ക് അടവുകളിലേക്ക് പോകുന്ന ഈ മേഖലയിലെ ജീവനക്കാര്ക്ക് ഇത് താങ്ങാനാവില്ല.
പല കമ്പനികളും കരാര് ജോലി കഴിഞ്ഞു വരുന്നവരെ പിരിച്ചു വിടുകയാണ്. കൊവിഡ് പ്രതിസന്ധിയില് പെട്ടുഴലുന്ന ജീവനക്കാരില് പലര്ക്കും അര്ഹതപ്പെട്ട അലവന്സ് നല്കാന് പോലും പല കമ്പനികളും തയ്യാറാകുന്നില്ല. ഐടി പാര്ക്ക്, ഇന്ഫോ പാര്ക്ക് എന്നിവിടങ്ങളിലുള്ള പല കമ്പനികളും ജീവനക്കാരെ പിരിച്ചു വിടാന് നീക്കം നടത്തുകയാണ്. ഈ സാഹചര്യത്തില് ഈ മേഖലയിലുണ്ടായ ആത്മഹത്യകള് ചൂണ്ടിക്കാട്ടിയാണ് ഐ ടി തൊഴിലാകളുടെ സാംസ്കാരിക ഫോറമായ പ്രതിദ്ധ്വനി പ്രസ്താവന ഇറക്കിയിരിക്കുന്നത്.