തൃശൂര്: ബിജെപി സംസ്ഥാന അധ്യക്ഷന് കെ സുരേന്ദ്രന് വീണ്ടും തോല്ക്കാനുളള അവസരം വയനാട്ടിലെ ജനങ്ങള് നല്കുമെന്ന് കോണ്ഗ്രസ് നേതാവും തൃശൂരിലെ യുഡിഎഫ് സ്ഥാനാര്ത്ഥിയുമായ കെ മുരളീധരന്. ഒരുലക്ഷം വോട്ടുപോലും തികയ്ക്കാനാവാതെ സുരേന്ദ്രന് തോല്ക്കുമെന്നും രാഹുല് ഗാന്ധിയെ തെരഞ്ഞെടുത്ത് ജനങ്ങള് പാര്ലമെന്റിലേക്ക് അയക്കുമെന്നും കെ മുരളീധരന് പറഞ്ഞു.
'അടുത്ത നിയമസഭാ തെരഞ്ഞെടുപ്പിലും തോല്ക്കാനുളള അവസരം സുരേന്ദ്രന് ജനങ്ങള് നല്കും. സുരേന്ദ്രന് തോല്ക്കാന് വേണ്ടിയാണ് ബിജെപി ദേശീയ നേതൃത്വം അദ്ദേഹത്തെ സ്ഥാനാര്ത്ഥിയാക്കിയത്. അതിന്റെ എല്ലാ സങ്കടവും അദ്ദേഹത്തിന്റെ മുഖത്ത് കാണാം. യുഡിഎഫും കോണ്ഗ്രസും മുന്നോട്ടുവയ്ക്കുന്നത് എല്ലാ മതങ്ങളുടെയും വിശ്വാസങ്ങള് സംരക്ഷിക്കുന്ന ഒരു മതേതര സര്ക്കാര് എന്നതാണ്. രാജ്യത്ത് മതേതരത്വവും ജനാധിപത്യവും നിലനിര്ത്താന് ജീവന്മരണ പോരാട്ടമാണ് കോണ്ഗ്രസ് നടത്തുന്നത്. അതിനെ രാജ്യത്തെ മുഴുവന് മതേതരവാദികളും പിന്തുണയ്ക്കണം'- കെ മുരളീധരന് പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
രാഹുല് ഗാന്ധി വലിയ നേതാവൊക്കെയാണെങ്കിലും വയനാട്ടിലെ ജനങ്ങളുടെ പ്രശ്നം പരിഹരിക്കാന് എത്തുന്നില്ലെന്ന് കെ സുരേന്ദ്രന് കഴിഞ്ഞ ദിവസം ആരോപിച്ചിരുന്നു. രാഹുല് ഗാന്ധിയും ആനി രാജയും വിസിറ്റിംഗ് വിസയില് വന്നവരാണെന്നും താന് പെര്മനന്റ് വിസയുളളയാളാണെന്നും സുരേന്ദ്രന് പറഞ്ഞിരുന്നു.