ദോഹ: ലോകത്തെ ഏറ്റവും മികച്ച മന്ത്രിക്കുള്ള പുരസ്കാരം ഖത്തർ പൊതുജനാരോഗ്യ മന്ത്രി ഡോ ഹനാൻ മുഹമ്മദ് അൽ കുവാരിക്ക്. ഫെബ്രുവരി 12-ന് ദുബൈയിൽ വെച്ച് നടന്ന ലോക ഗവൺമെന്റ് ഉച്ചകോടിയിലായിരുന്നു പുരസ്കാര പ്രഖ്യാപനം. ദുബായ് ഫസ്റ്റ് ഡെപ്യൂട്ടി ഭരണാധികാരിയും യുഎഇ ഉപപ്രധാനമന്ത്രിയും ധനകാര്യ മന്ത്രിയുമായ ഷെയ്ഖ് മക്തൂം ബിൻ മുഹമ്മദ് ബിൻ റാഷിദ് അൽ മക്തൂം പുരസ്കാരം നൽകി ആദരിച്ചു.
ലോകത്തിന്റെ വിവിധ ഭാഗങ്ങളിൽ നിന്നുള്ള മന്ത്രിമാരില്‍ നിന്നാണ് പ്രവർത്തന മികവിന് ഖത്തർ പൊതുജനാരോഗ്യ മന്ത്രി പുരസ്കാരം സ്വന്തമാക്കിയത്. ഖത്തറിലെ ആരോഗ്യ സംവിധാനം കൂടുതല്‍ ജനകീയമാക്കാനും അന്താരാഷ്ട്ര നിലവാരത്തിലേക്ക് ഉയര്‍ത്താനും ഹനാന് സാധിച്ചു. അവാര്‍ഡ്‌ ലഭിച്ചതില്‍ ഹനാന് നന്ദി അറിയിച്ചു. പുരസ്ക്കാരം ഖത്തര്‍ ഭരണകൂടത്തിൻ്റെ നേതൃത്വത്തെയും മികച്ച പ്രകടനത്തെയും ഉയര്‍ത്തികാട്ടുന്നുവെന്നും അവർ പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
2016-ലാണ് ഹനാന് ഖത്തറിന്റെ ആരോഗ്യ മന്ത്രിയായി ചുമതലയേറ്റത്. ഇതിനു മുന്‍പ് ലോകാരോഗ്യ സംഘടന, റോയിട്ടേഴ്സ് എന്നിവയ്ക്ക് വേണ്ടി പ്രവര്‍ത്തിച്ചിട്ടുണ്ട്. ഫോര്‍ബ്സ് മാഗസിന്‍റെ അറബ് ലോകത്തെ സ്വാധീനിച്ച വനിതകളുടെ പട്ടികയിയിലും ഹനാന് ഇടം പിടിച്ചിരുന്നു.
