തിരുവനന്തപുരം: ഗവര്ണറും സര്ക്കാരും ചേര്ന്ന് കേരളത്തിലെ ജനങ്ങളെ കബളിപ്പിക്കുകയാണെന്ന് പ്രതിപക്ഷ നേതാവ് വി ഡി സതീശന്. ഗവര്ണര്ക്കും സര്ക്കാരിനുമൊപ്പം കൂടാന് പാടില്ലെന്ന പ്രതിപക്ഷത്തിന്റെ നിലപാട് ശരിയാണെന്ന് തെളിഞ്ഞുവെന്നും കേന്ദ്രസര്ക്കാരിനും ഗവര്ണര്ക്കുമെതിരെ സംസാരിക്കാന് മുഖ്യമന്ത്രിക്ക് ഭയമാണെന്നും വി ഡി സതീശന് പറഞ്ഞു. എറണാകുളം ഡിസിസി ഓഫീസില് നടന്ന വാര്ത്താസമ്മേളനത്തില് സംസാരിക്കുകയായിരുന്നു അദ്ദേഹം.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
'സര്ക്കാരും ഗവര്ണറും തമ്മിലുളള നാടകം കണ്ട് കേരളത്തിലെ ജനങ്ങള് ചിരിക്കുകയാണ്. തമ്മില് കണ്ടാല് മിണ്ടാതിരിക്കാന് ഗവര്ണറും മുഖ്യന്ത്രിയും എല്കെജി കുട്ടികളാണോ? മുഖ്യമന്ത്രിക്കെതിരെ പ്രതിഷേധിച്ച കെഎസ് യു- യൂത്ത് കോണ്ഗ്രസ് പ്രവര്ത്തകരെ പൊലീസിനെയും ക്രിമിനലുകളെയും ഉപയോഗിച്ച് ആക്രമിക്കുന്നു. എന്നാല് ഗവര്ണര്ക്കെതിരെ കരിങ്കൊടി പ്രകടനം നടത്താനുളള എല്ലാ സൗകര്യവും സര്ക്കാര് തന്നെ ചെയ്തുകൊടുക്കുന്നു. ഈ രാഷ്ട്രീയ നാടകം എത്രനാളായി നടക്കുന്നു. എന്തൊരു ഇരട്ടത്താപ്പാണ് സര്ക്കാരിന്. കേന്ദ്ര ഏജന്സികളെ ഭയന്ന് ജീവിക്കുന്ന മുഖ്യമന്ത്രി നാട്ടുകാരെ കബളിപ്പിക്കാനാണ് എസ് എഫ് ഐ കുട്ടികളെ കൊണ്ട് സമരം ചെയ്യിപ്പിക്കുന്നത്'- വി ഡി സതീശന് പറഞ്ഞു.