കോഴിക്കോട്: കോഴിക്കോട്- വയനാട് തുരങ്കപാത നിര്മ്മാണം മാര്ച്ചില് ആരംഭിക്കുമെന്ന് തിരുവമ്പാടി എംഎല്എ ലിന്റോ ജോസഫ്. പ്രാഥമിക ടെന്ഡര് നടപടികള് പൂര്ത്തിയായെന്നും പദ്ധതിക്കായി ഭൂമി നഷ്ടമാകുന്ന പ്രദേശവാസികള്ക്ക് ഉയര്ന്ന നഷ്ടപരിപാരം നല്കുമെന്നും എംഎല്എ പറഞ്ഞു. 2020-ല് പ്രഖ്യാപിച്ച ആനക്കാംപൊയില്- കളളാടി- മേപ്പാടി തുരങ്കപാതയാണ് യാഥാര്ത്ഥ്യമാകുന്നത്. തുരങ്കപാത യാഥാര്ത്ഥ്യമാകുന്നതോടു കൂടി വയനാട് ചുരത്തിലെ ഗതാഗതക്കുരുക്കിനും പരിഹാരമാകും.
തുരങ്കപാതയ്ക്ക് കഴിഞ്ഞ ഏപ്രിലില് കേന്ദ്ര- വനം പരിസ്ഥിതി മന്ത്രാലയത്തിന്റെ അനുമതി ലഭിച്ചിരുന്നു. തുരങ്കപാത പദ്ധതിയുടെ സാങ്കേതിക പഠനം മുതല് നിര്മ്മാണം വരെ സംസ്ഥാന സര്ക്കാര് കൊങ്കണ് റെയില്വേ കോര്പ്പറേഷനെയാണ് ചുമതലപ്പെടുത്തിയിരിക്കുന്നത്. തുരങ്കനിര്മ്മാണത്തിനും അനുബന്ധ പ്രവര്ത്തനങ്ങള്ക്കുമായി 1643.33 കോടി രൂപയ്ക്കാണ് ടെന്ഡര് ക്ഷണിച്ചത്. നാലുവര്ഷം കൊണ്ട് നിര്മ്മാണം പൂര്ത്തിയാക്കണം.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
പത്തുമീറ്റര് വീതിയുളള ഇരട്ടത്തുരങ്കങ്ങളാമ് നിര്മ്മിക്കുക. ഇരുവഴിഞ്ഞിപ്പുഴയ്ക്ക് കുറുകെയാണ് പാലത്തിലേക്കെത്തുന്ന രണ്ട് പാലങ്ങള് നിര്മ്മിക്കുന്നത്. തിരുവമ്പാടി പഞ്ചായത്തിലെ ആനക്കാംപൊയിലിനടുത്ത് മറിപ്പുഴ വില്ലേജില് നിന്നാണ് തുരങ്കപാത ആരംഭിക്കുക. മേപ്പാടി പഞ്ചായത്തിലെ കളളാടിയില് തുരങ്കം അവസാനിക്കും.