ഡല്ഹി: പഞ്ചാബ് മുഖ്യമന്ത്രി ഭഗവന്ത് മന്നിനെതിരെ ഗുരുതര ആരോപണങ്ങളുമായി മകള് സീരത് കൗര് മന്. അമ്മയെ മാനസികമായും ശാരീരികമായും പീഡിപ്പിക്കുകയാണെന്നും, തന്നെയും സഹോദരനെയും അവഗണിക്കുകയാണെന്നും സീരത് ശനിയാഴ്ച തന്റെ സാമൂഹിക മാധ്യമങ്ങളിലൂടെ പങ്കുവെച്ച വീഡിയോയില് പറഞ്ഞു. സംഭവം ഭഗവന്ത് മന്നിന്റെ വ്യക്തിപരമായ കാര്യമായത് കൊണ്ട് പ്രതികരിക്കേണ്ടതില്ല എന്ന നിലപാടിലാണ് ആം ആദ്മി പാര്ട്ടി.
'ഞാന് സീരത് കൗര് മന്, പഞ്ചാബ് മുഖ്യമന്ത്രി ഭഗവന്ത് മന്നിന്റെ മകളാണ്. ഈ വീഡിയോയില് ഞാന് അദ്ദേഹത്തെ മിസ്റ്റര് മന് അല്ലെങ്കില് മുഖ്യമന്ത്രി സാബ് എന്ന് അഭിസംബോധന ചെയ്യാനാണ് ആഗ്രഹിക്കുന്നത്. ഞാന് അച്ഛന് എന്ന് വിളിച്ചു കേള്ക്കാനുള്ള അദ്ദേഹത്തിന്റെ അവകാശം പണ്ടേ നഷ്ട്ടപ്പെട്ടതാണ്. ഞങ്ങളുടെ യഥാര്ത്ഥ കഥ ലോകം അറിയണം എന്നതുമാത്രമാണ് ഈ വീഡിയോയിലൂടെ ഞങ്ങള് ഉദ്ദേശിക്കുന്നത്. മുഖ്യമന്ത്രി സാബില് നിന്നും അദ്ദേഹത്തിന്റെ പക്ഷം മാത്രമാണ് ഇന്നുവരെ ജനങ്ങള് കേട്ടിട്ടുള്ളത്. ഞങ്ങള് അനുഭവിക്കുന്നതും പുറത്ത് പറഞ്ഞു കേള്ക്കുന്നതുമായ കാര്യങ്ങള് വിവരണാതീതമാണ്. ഇന്നു വരെ ഞങ്ങള് അമ്മയും മക്കളും നിശബ്ദരായിരുന്നു. പക്ഷേ അത് ഞങ്ങളുടെ ബലഹീനതയായി തെറ്റിദ്ധരിക്കപ്പെട്ടു. ഞങ്ങളുടെ മൌനമാണ് അദ്ദേഹം ഇപ്പോഴും മുഖ്യമന്ത്രിയായി തുടരാന് കാരണമെന്ന് അദ്ദേഹത്തിന് ഇപ്പോഴും മനസ്സിലായിട്ടില്ല', മകള് വീഡിയോയിലൂടെ പറഞ്ഞു. ഇത് രാഷ്ട്രിയ പ്രേരിതമല്ലന്നും അവര് വ്യക്തമാക്കി.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക