മുംബൈയില് 250 പൊലീസുകാര്ക്ക് കൊവിഡ് സ്ഥിരീകരിച്ചു. സര് ജെജെ മാര്ഗ് പൊലീസ് സ്റ്റേഷനില് മാത്രം 27 പൊലീസുകാര്ക്ക് രോഗബാധ കണ്ടെത്തി. ധാരാവി, വാഡല, വക്കോല എന്നി പൊലീസ് സ്റ്റേഷനുകളിലാണ് രോഗബാധ രൂക്ഷം. മുംബൈ സിറ്റി പൊലീസ് കമ്മീഷണറാണ് ഇക്കാര്യം വെളിപ്പെടുത്തിയത്. ആരുടെയും നില ഗുരുതരമല്ലെന്നും കമ്മീഷണർ അറിയിച്ചു. മഹാരാഷ്ട്രയിൽ ഇതുവരെ രോഗം ബാധിച്ച് 5 പൊലീസുകാരാണ് മരിച്ചത്. ഇവരിൽ 3 പേർ മുംബൈയിലാണ്.
മുംബൈ നഗരത്തിന്റെ പരിധിയിലുള്ള 94 പൊലീസ് സ്റ്റേഷനുകളിലെയും പൊലീസുകാർക്ക് രോഗബാധയുണ്ട്. എന്നാൽ ഭൂരിപക്ഷം പേര്ക്കും രോഗലക്ഷണങ്ങളില്ല. മഹാരാഷ്ട്രയില് രോഗം ബാധിച്ച ആകെ പൊലീസുകാരുടെ എണ്ണം 531 ആയി. ഇതില് 80 ശതമാനം പേരും കോൺസ്റ്റബിൾ മാരാണ്. 50 ഓളം ഉയർന്ന ഉദ്യോഗസ്ഥർക്കും കൊവിഡ് ബാധിച്ചിട്ടുണ്ട്.