പുതുപ്പളളി: ചാണ്ടി ഉമ്മനെ ഉമ്മന്ചാണ്ടിയുടെ പ്രതിരൂപമായി കണ്ടാണ് ജനങ്ങള് വോട്ടുചെയ്തതെന്ന് മുസ്ലീം ലീഗ് സംസ്ഥാന അധ്യക്ഷന് സാദിഖലി തങ്ങള്. അതുകൊണ്ടാണ് ഇത്രയും ഭൂരിപക്ഷം ലഭിച്ചതെന്നും പുതുപ്പളളിയില് ഭരണവിരുദ്ധ വികാരവും പ്രതിഫലിച്ചിട്ടുണ്ടെന്നും സാദിഖലി തങ്ങള് പറഞ്ഞു. പുതുപ്പളളി ഉപതെരഞ്ഞെടുപ്പില് ചാണ്ടി ഉമ്മന് വമ്പിച്ച ഭൂരിപക്ഷം നേടി മുന്നേറുന്നതിനിടെ മാധ്യമങ്ങളോടാണ് സാദിഖലി തങ്ങളുടെ പ്രതികരണം.
ഇടതുസര്ക്കാരിന്റെ ഭരണത്തിനെതിരായ വികാരമാണ് തെരഞ്ഞെടുപ്പില് പ്രതിഫലിച്ചതെന്ന് പി കെ കുഞ്ഞാലിക്കുട്ടി പറഞ്ഞു. വിസ്മയിപ്പിക്കുന്ന വിജയമാണിതെന്നും ഈ വിജയം യുഡിഎഫിന്റെ ആത്മവിശ്വാസം കൂട്ടുമെന്നും കുഞ്ഞാലിക്കുട്ടി പറഞ്ഞു. ഉമ്മന്ചാണ്ടിയുടെ മരണശേഷമാണ് അദ്ദേഹം നിരപരാധിയാണെന്ന് ലോകം അറിഞ്ഞതെന്നും വേദനനിറഞ്ഞ വികാരമായി ഉമ്മന്ചാണ്ടി മാറിയെന്നും കുഞ്ഞാലിക്കുട്ടി കൂട്ടിച്ചേര്ത്തു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ഇടതുപക്ഷം ഉമ്മന്ചാണ്ടിയോട് ചെയ്ത നെറികേടുകള്ക്ക് കേരളം നല്കിയ മറുപടിയാണ് പുതുപ്പളളിയിലെ ചാണ്ടി ഉമ്മന്റെ വിജയമെന്ന് മുസ്ലീം ലീഗ് സംസ്ഥാന ജനറല് സെക്രട്ടറി പിഎംഎ സലാം പ്രതികരിച്ചു. സഖാക്കള്ക്കുകൂടി വേണ്ടാത്ത ഭരണം അവസാനിപ്പിക്കാന് പിണറായി വിജയന് ഇനിയെന്തിനാണ് താമസിക്കുന്നതെന്നും അദ്ദേഹം ചോദിച്ചു.
നാല്പ്പതിനായിരത്തിലധികം വോട്ടുകളുടെ ഭൂരിപക്ഷമാണ് ഇപ്പോള് ചാണ്ടി ഉമ്മന് ലഭിച്ചിരിക്കുന്നത്. 72,946 വോട്ടുകളാണ് യുഡിഎഫിന്. എല്ഡിഎഫിന് 32,886 വോട്ടും എന്ഡിഎയ്ക്ക് 5654 വോട്ടുമാണ് ലഭിച്ചിരിക്കുന്നത്.