തിരുവനന്തപുരം: ഫീസ് അടയ്ക്കാത്തതിന് ഏഴാംക്ലാസുകാരനെ തറയിലിരുത്തി പരീക്ഷയെഴുതിച്ച സംഭവത്തില് പ്രിന്സിപ്പാളിന് സസ്പെന്ഷന്. പ്രിന്സിപ്പാള് ആര് . ജയരാജിനെ സസ്പെന്ഡ് ചെയ്തെന്നും സംഭവത്തില് അന്വേഷണം നടത്തുമെന്നും സ്കൂള് മാനേജ്മെന്റ് വ്യക്തമാക്കി. പ്രിന്സിപ്പാളിന് തെറ്റുപറ്റിപ്പോയെന്നാണ് മാനേജ്മെന്റിന്റെ വിശദീകരണം. തിരുവനന്തപുരം വെളളയമ്പലം ആല്ത്തറ ജംഗ്ഷനിലെ ശ്രീ വിദ്യാധിരാജ ഹൈസ്കൂളിലാണ് സംഭവം നടന്നത്. ഏഴാം ക്ലാസിലെ ജനറല് സയന്സ് പരീക്ഷ നടക്കുന്നതിനിടെ ഹാളിലേക്ക് കടന്നുവന്ന പ്രിന്സിപ്പാള് ജയരാജ് ആര്, സ്കൂള് ഫീസ് അടയ്ക്കാത്ത കുട്ടികളോട് എഴുന്നേറ്റുനില്ക്കാന് ആവശ്യപ്പെടുകയായിരുന്നു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
തുടര്ന്ന് ഫീസ് അടച്ചില്ലെന്ന് പറഞ്ഞ് കുട്ടിയെ തറയിലിരുത്തി പരീക്ഷയെഴുതിച്ചു. ഫീസ് അടയ്ക്കാത്ത കാര്യം തനിക്കറിയില്ലെന്നും അച്ഛനോടാണ് ഇതേപ്പറ്റി ചോദിക്കേണ്ടതെന്നും കുട്ടി പറഞ്ഞെങ്കിലും പ്രിന്സിപ്പാള് അത് കേള്ക്കാതെ തറയിലിരുത്തിക്കുകയായിരുന്നെന്നും കുട്ടികളുടെ മുന്നില് തന്നെ അപമാനിച്ചതായി തോന്നിയെന്നും കുട്ടി പറഞ്ഞു.
സംഭവം അറിഞ്ഞ് കാര്യം ചോദിക്കാന് വിളിച്ച കുട്ടിയുടെ പിതാവിനോട് നല്ല തറയിലാണ് ഇരുത്തിയതെന്നാണ് പ്രിന്സിപ്പാള് പറഞ്ഞത്. 'ഞാന് പ്രിന്സിപ്പാളിനെ വിളിച്ചു, ചെയ്തത് ശരിയാണോ എന്ന് ചോദിച്ചു. അപ്പോള് അദ്ദേഹം പറഞ്ഞത്, നല്ല തറയാണ് കുഴപ്പമൊന്നുമില്ല എന്നാണ്. ഇനി ഒരു കുട്ടിക്കും ഇത്തരമൊരു ദുരനുഭവം ഉണ്ടാകാന് പാടില്ല. ഒത്തുതീര്പ്പിനായി മാനേജ്മെന്റ് വിളിച്ചിരുന്നു. ഞാനതിന് തയ്യാറല്ല. മകനെ സ്കൂള് മാറ്റുകയാണ്'- കുട്ടിയുടെ പിതാവ് പറഞ്ഞു.