വീണ വിജയന്റെ എക്സാ ലോജിക് കമ്പനി കരിമണല്‍ ഖനന കമ്പനിയായ സി.എം.ആർ.എല്ലിൽ നിന്നും കൂടുതൽ പണം വാങ്ങിയെന്ന ആരോപണവുമായി മാത്യു കുഴൽനാടന്‍ എംഎല്‍എ. 2017, 2018, 2019 വർഷങ്ങളിൽ 42,48,000 രൂപ വീണയുടെ കമ്പനി വാങ്ങിയെന്ന് മാത്യു കുഴൽനാടൻ പറഞ്ഞു. നേരത്തെ വാങ്ങിയ 1.72 കോടിക്ക് പുറമേയാണിതെന്നും അദ്ദേഹം ആരോപിച്ചു.
സി.എം.ആർ.എല്ലിൽ നിന്നും വാങ്ങിയ 42 ലക്ഷം രൂപക്ക് നികുതിയായി ആറ് ലക്ഷം രൂപയും നൽകിയിട്ടുണ്ട്. എന്നാൽ, സി.എം.ആർ.എല്ലിൽ നിന്നും വാങ്ങിയ 1.72 കോടി രൂപക്ക് വീണ നികുതി അടച്ചിട്ടില്ല. ഉണ്ടെങ്കില്‍ ജിഎസ്ടി രേഖ പുറത്തുവിടാന്‍ വീണയെ അദ്ദേഹം വെല്ലുവിളിക്കുകയും ചെയ്തു. 2014-ല്‍ തുടങ്ങിയ എക്സാ ലോജിക് പ്രവര്‍ത്തനരഹിതമാണെന്നും പ്രവര്‍ത്തിക്കാത്ത കമ്പനിക്ക് ധനസഹായം എങ്ങനെ ലഭിച്ചെന്നും അദ്ദേഹം ചോദിച്ചു. കമ്പനി വാങ്ങിച്ച പണം സേവനത്തിനായി ലഭിച്ചതല്ലെന്നും അധികാരസ്ഥാനത്തിരിക്കുന്നവരെ തൃപ്തിപ്പെടുത്തുന്നതിനായി നല്‍കിയതാണെന്നും അദ്ദേഹം പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
