തിരുവനന്തപുരം: സംസ്ഥാനത്ത് കനത്ത മഴ വരും ദിവസങ്ങളിലും തുടരുമെന്ന് കാലാവസ്ഥ നിരീക്ഷണ കേന്ദ്രത്തിന്റെ അറിയിപ്പ്. ബംഗാള് ഉള്ക്കടലില് പുതുതായി ന്യൂനമര്ദ്ദം രൂപം കൊള്ളാന് സാധ്യതയുണ്ടെന്നും കാലാവസ്ഥ കേന്ദ്രം മുന്നറിയിപ്പ് നല്കിയിട്ടുണ്ട്. അതുകൊണ്ടുതന്നെ അടുത്ത നാലുദിവസങ്ങളില് സംസ്ഥാനത്ത് വ്യാപകമായ മഴക്കുള്ള സാധ്യതയാണ് ചൂണ്ടിക്കാണിക്കപ്പെടുന്നത്.
വടക്കന് ജില്ലകളിലാണ് തീവ്ര മഴ സാധ്യതയുള്ളതായി പറയുന്നത്. ഇതനുസരിച്ച് കാസര്ഗോഡ്, കണ്ണൂര്, വയനാട്, കോഴിക്കോട് ജില്ലകളില് ഇന്ന് ഓറഞ്ച് അലേര്ട്ട് പ്രഖ്യാപിച്ചിട്ടുണ്ട്. യെല്ലോ അലേര്ട്ട് നിലനില്ക്കുന്നത് എട്ട് ജില്ലകളിലാണ്. തിരുവനന്തപുരം, കൊല്ലം, ഇടുക്കി, കോട്ടയം, ആലപ്പുഴ, തൃശൂര്, പാലക്കാട്, മലപ്പുറം ജില്ലകളിലാണ് ഓറഞ്ച് അലേര്ട്ട്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
വയനാട് ജില്ലയില് മഴ കനത്തതോടെ താഴ്ന്ന പ്രദേശങ്ങളില് വെള്ളം കയറിയിട്ടുണ്ട്. പല കോളനികളും ഒറ്റപ്പെട്ടതായാണ് റിപ്പോര്ട്ട്. കോഴിക്കോട് പല സ്ഥലങ്ങളില് ജാഗ്രതാ നിര്ദ്ദേശം നല്കിയിട്ടുണ്ട്. പൂനൂര് പുഴ, ഇരുവഴിഞ്ഞിപ്പുഴ എന്നിവിടങ്ങളില് ജലനിരപ്പ് ഉയര്ന്നതിനാല് തീര പ്രദേശങ്ങളില് താമസിക്കുന്നവര്ക്ക് ജാഗ്രതാ നിര്ദ്ദേശം നല്കിയിട്ടുണ്ട്.