കണ്ണൂര്: ദേശാഭിമാനി സീനിയര് സബ് എഡിറ്റര് എം രാജീവന് അന്തരിച്ചു. 53 വയസായിരുന്നു. കരൾ രോഗത്തെ തുടർന്ന് ദീർഘകാലമായി ചികിത്സയിലായിരുന്നു. കണ്ണൂരിലെ സ്വകാര്യ ആശുപത്രിയിൽ വെച്ച് ഇന്ന് രാവിലെ പത്ത് മണിയോടെയാണ് മരണപ്പെട്ടത്. ദേശാഭിമാനിയുടെ തളിപ്പറമ്പ്, ആലക്കോട് ഏരിയ ലേഖകനായാണ് പത്രപ്രവർത്തനം തുടങ്ങിയത്.
2008ൽ സബ് എഡിറ്റർ ട്രെയിനിയായി ജോലിയിൽ പ്രവേശിച്ചു. കൊച്ചി, കോഴിക്കോട്, കണ്ണൂർ യൂണിറ്റുകളിൽ പ്രവർത്തിച്ചു. തളിപ്പറമ്പ് മാന്തംകുണ്ടിലാണ് താമസം. ഭാര്യ പി എൻ സുലേഖ (സെക്രട്ടറി, തളിപ്പറമ്പ് കോ ഓപ്പറേറ്റീവ് എഡ്യുക്കേഷൻ സൊസൈറ്റി), മക്കൾ: എം ആർ ശ്രീരാജ്, എം ആർ ശ്യാംരാജ്. സംസ്കാരം വൈകീട്ട് നാലിന് വരഡൂൽ പൊതു ശ്മശാനത്തിൽ.