ഫ്രാന്സില് 48 മണിക്കൂറിനുള്ളില് മരണമടഞ്ഞത് 507 പേര്
പാരിസ് : ഫ്രാന്സില് കഴിഞ്ഞ 48 മണിക്കൂറിനുള്ളില് മരണപ്പെട്ടവരുടെ എണ്ണം 507. തൊട്ടുമുന്പത്തെ 48 മണിക്കൂറുമായി താരതമ്യപ്പെടുത്തുമ്പോള് മരണനിരക്കില് നേരിയ കുറവാണ് രേഖപ്പെടുത്തിയത്. ബുധനാഴ്ച അവസാനിച്ച 48 മണിക്കൂറിനുള്ളില് 794 പേരാണ് ഫ്രാന്സില് മരണമടഞ്ഞത്.
കഴിഞ്ഞ കുറച്ചു ദിവസങ്ങളായി മരണനിരക്കില് കുറവാണ് രേഖപ്പെടുത്തുന്നത്. ക്രമാനുഗതമായ കുറവില് സ്ഥിരത നിനിര്ത്തുന്നതായാണ് വിലയിരുത്തല്. തിങ്കള് 282, ഞായര് -329, ശനി -389 എന്നിങ്ങനെയായിരുന്നു കഴിഞ്ഞ ദിവസങ്ങളിലെ പ്രതിദിന മരണം. ഫ്രാന്സ് പതുക്കെ കൊറോണ വൈറസിനെ അതിജീവിക്കുന്ന ലക്ഷണമാണ് കാണിക്കുന്നത്. ഫ്രാന്സില് ഇതുവരെ മരണപ്പെട്ടവരുടെ എണ്ണം 24,594 ആയി.
രോഗീ വര്ദ്ധനവ് കുറയുന്നു
ഫ്രാന്സില് കഴിഞ്ഞ 48 മണിക്കൂറിനുള്ളില് 926 പേരില് മാത്രമാണ് പുതുതായി രോഗം സ്ഥിരീകരിച്ചിരിക്കുന്നത്. ഇതോടെ ഇതുവരെ രോഗം സ്ഥിരീകരിച്ചവരുടെ എണ്ണം 1,67,346 ആയി. കൊറോണ ബാധയും മരണനിരക്കും ഏറ്റവും ഉയര്ന്ന ഇറ്റലി ,സ്പെയിന് എന്നീ രാജ്യങ്ങള്ക്ക് തൊട്ടു പിറകെയായിരുന്ന ഫ്രാന്സ് മൊത്തം മരണസംഖ്യയില്, സ്പെയിനിനൊപ്പം എത്തിനില്ക്കുകയാണ്.