കൊച്ചി: കെപിസിസി അധ്യക്ഷന്‍ കെ സുധാകരന്റെ പേര് പറയാന്‍ ക്രൈംബ്രാഞ്ച് ഡി വൈ എസ് പി ആവശ്യപ്പെട്ടെന്ന് മോന്‍സന്‍ മാവുങ്കല്‍. സുധാകരന് 25 ലക്ഷം രൂപ കൈപ്പറ്റിയെന്ന് പറയാനാണ് ക്രൈംബ്രാഞ്ച് ഡി വൈ എസ് പി ആര്‍ റുസ്തം ആവശ്യപ്പെട്ടതെന്നും സുധാകരന്റെ പേര് പറഞ്ഞില്ലെങ്കില്‍ ഭാര്യയും മക്കളും ജീവനോടെ ഉണ്ടാകില്ലെന്ന് ഭീഷണിപ്പെടുത്തിയെന്നും മോന്‍സന്‍ മാവുങ്കല്‍ പറഞ്ഞു. കോടതിയില്‍ വീഡിയോ കോണ്‍ഫറന്‍സ് വഴി ഹാജരാക്കിയപ്പോഴാണ് അദ്ദേഹം ഇക്കാര്യം വെളിപ്പെടുത്തിയത്.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
'കോടതിയില്‍നിന്ന് കൊണ്ടുപോകുംവഴി കളമശേരി ക്രൈംബ്രാഞ്ച് ഓഫീസില്‍ കൊണ്ടുപോയി. സുധാകരന്റെ പേര് പറഞ്ഞില്ലെങ്കില്‍ ഭാര്യയും മക്കളും ജീവനോടെ ഉണ്ടാകില്ലെന്ന് പറഞ്ഞു. അനൂപില്‍നിന്ന് പണം വാങ്ങിയത് സുധാകരന് കൊടുക്കാനാണ് എന്ന് പറയണമെന്ന് നിര്‍ബന്ധിച്ചു. സുധാകരന്റെ പേര് പറഞ്ഞില്ലെങ്കില്‍ ഗുരുതര പ്രത്യാഘാതമുണ്ടാകുമെന്ന് പറഞ്ഞു. പെണ്‍കുട്ടിയെ പീഡിപ്പിക്കുന്ന സമയത്ത് സുധാകരന് സ്ഥലത്തുണ്ടായിരുന്നു എന്ന് പറയണമെന്നും ആവശ്യപ്പെട്ടു'- മോന്‍സന്‍ കോടതിയില്‍ പറഞ്ഞു. മോന്‍സന്റെ പരാതി ജയില്‍ മേധാവി വഴി കോടതിയെ അറിയിക്കാന്‍ എറണാകുളം അഡീഷണല്‍ ജില്ലാ സെഷന്‍സ് കോടതി നിര്‍ദേശം നല്‍കി.
