തിരുവനന്തപുരം: കേരളത്തില്‍ ഉന്നതവിദ്യാഭ്യാസ രംഗവുമായി ബന്ധപ്പെട്ട് നടക്കുന്ന വിവാദങ്ങള്‍ തന്നെ അത്ഭുതപ്പെടുത്തുന്നില്ലെന്ന് ഗവര്‍ണര്‍ ആരിഫ് മുഹമ്മദ് ഖാന്‍. സര്‍വ്വകലാശാലകളെ സര്‍ക്കാര്‍ അവരുടെ രാഷ്ട്രീയ ആവശ്യങ്ങള്‍ക്കായി ഉപയോഗിക്കുകയാണെന്നും അവര്‍ യുവതലമുറയുടെ ഭാവിവെച്ചാണ് കളിക്കുന്നതെന്നും ഗവര്‍ണര്‍ പറഞ്ഞു. സമ്മര്‍ദ്ദതന്ത്രമുപയോഗിച്ച് മാധ്യമങ്ങളെ ഭയപ്പെടുത്തി നിര്‍ത്തിയിരിക്കുകയാണെന്നും ഇത്തരം സംഭവങ്ങളില്‍ താന്‍ നിസ്സഹായനാവുകയാണെന്നും അദ്ദേഹം പറഞ്ഞു.
'യോഗ്യതയില്ലാത്തവര്‍ സര്‍വ്വകലാശാലകളില്‍ ജോലി ചെയ്യുന്നു. മുഖ്യമന്ത്രിയുടെ പ്രൈവറ്റ് സെക്രട്ടറിയായതുകൊണ്ടു മാത്രം ഒരാള്‍ക്ക് നിയമനം നല്‍കുകയും മുഖ്യമന്ത്രി തന്നെ അതിനെ ന്യായീകരിക്കുകയും ചെയ്യുന്നു. ഇങ്ങനെയൊക്കെ നടക്കുമെങ്കില്‍ ഇതിനപ്പുറവും നടക്കും. ഇത്തരം സംഭവങ്ങളില്‍ ഞാന്‍ നിസ്സഹായനാണ്. എനിക്ക് ഖേദിക്കാന്‍ മാത്രമേ കഴിയൂ.'- ആരിഫ് മുഹമ്മദ് ഖാന്‍ പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
മാധ്യമങ്ങള്‍ ഗൗരവത്തോടെ വിഷയങ്ങള്‍ ഉന്നയിക്കുന്നില്ലെന്നും അദ്ദേഹം കുറ്റപ്പെടുത്തി. 'ശബ്ദമുയര്‍ത്തുക, നട്ടെല്ലുണ്ടാവുക എന്നതിനപ്പുറം ഇവിടെ മറ്റൊരു പ്രശ്‌നപരിഹാരമില്ല. മാധ്യമങ്ങള്‍ വാര്‍ത്തയ്ക്കുവേണ്ടി മാത്രമാണ് വിഷയങ്ങള്‍ ചര്‍ച്ച ചെയ്യുന്നത്. പത്രങ്ങള്‍ എഡിറ്റോറിയല്‍ എഴുതുന്നില്ല. സമ്മര്‍ദ്ദതന്ത്രമുപയോഗിച്ച് മാധ്യമങ്ങളെ ഭയപ്പെടുത്തി നിര്‍ത്തിയിരിക്കുകയാണ്. ഭയപ്പെടുത്തി നിര്‍ത്തിയിട്ടുളള മാധ്യമങ്ങളെ എവിടെയെങ്കിലും കാണാനാവുമെങ്കില്‍ അത് കേരളത്തില്‍ മാത്രമാണ്'-ഗവര്‍ണര്‍ കൂട്ടിച്ചേര്‍ത്തു.
