കോഴിക്കോട്: സാമൂഹ്യപ്രവര്‍ത്തകന്‍ റസാഖ് പയമ്പ്രോട്ടിന്റെ മരണത്തില്‍ അന്വേഷണം ആവശ്യപ്പെട്ട് ഭാര്യ ഷീജ എന്ന് പരാതി നല്‍കും. കൊണ്ടോട്ടി പൊലീസിനാണ് പരാതി നല്‍കുക. റസാഖിന്റെ മരണത്തിന് കാരണക്കാരായവരെക്കുറിച്ചും ആത്മഹത്യയിലേക്ക് നയിച്ച കാരണങ്ങളെക്കുറിച്ചും വിശദമായി അന്വേഷിക്കണമെന്നാണ് റസാഖിന്റെ കുടുംബത്തിന്റെ ആവശ്യം. മെയ് 26-നാണ് റസാഖിനെ പുളിക്കല്‍ പഞ്ചായത്ത് ഓഫീസിന്റെ വരാന്തയില്‍ തൂങ്ങിമരിച്ച നിലയില്‍ കണ്ടെത്തിയത്. റസാഖ് തന്റെ വീടിന് സമീപം പ്രവര്‍ത്തിക്കുന്ന മാലിന്യ പ്ലാന്റിനെതിരെ നിരവധി പരാതികള്‍ നല്‍കിയിരുന്നു.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
പ്ലാന്റിനെതിരെ ദീര്‍ഘകാലമായി സമരരംഗത്തുണ്ടായിരുന്നയാളാണ് റസാഖ്. തന്റെ മൂത്ത സഹോദരന്‍ പ്ലാന്റിലെ വിഷപ്പുക ശ്വസിച്ച് ശ്വാസകോശ രോഗം വന്നാണ് മരിച്ചതെന്നും അദ്ദേഹം ആരോപിച്ചിരുന്നു. പ്ലാന്റിനെതിരെ നടപടിയെടുക്കാന്‍ ഇടതുപക്ഷം ഭരിക്കുന്ന പഞ്ചായത്ത് വിസമ്മതിച്ചതിലുളള മനോവിഷമമാണ് റസാഖിനെ ആത്മഹത്യയിലേക്ക് നയിച്ചതെന്നാണ് കുടുംബത്തിന്റെ ആരോപണം. പഞ്ചായത്തിന് നല്‍കിയ പരാതിയും അതുസംബന്ധിച്ച രേഖകളും സഞ്ചിയിലാക്കി കഴുത്തില്‍ തൂക്കിയിട്ട നിലയിലായിരുന്നു മൃതദേഹം.
