ഡല്ഹി: പുതിയ പാര്ലമെന്റ് മന്ദിരത്തിന്റെ ഉദ്ഘാടനത്തോട് അനുബന്ധിച്ച് 75 രൂപയുടെ നാണയം പുറത്തിറക്കുമെന്ന് കേന്ദ്ര ധനമന്ത്രാലയം. രാജ്യം 75-ാം സ്വാതന്ത്ര്യദിനം ആഘോഷിക്കുന്നതിന്റെ സ്മരണയ്ക്കായാണ് നാണയം പുറത്തിറക്കുന്നത്. പുതിയ പാര്ലമെന്റ് മന്ദിരത്തിന്റെ ഉദ്ഘാടനച്ചടങ്ങില് പ്രധാനമന്ത്രി നരേന്ദ്രമോദിയാണ് നാണയം പ്രകാശനം ചെയ്യുക. നാണയത്തിന്റെ ഒരു വശത്ത് അശോക സ്തംഭവും അതിനുതാഴെ സത്യമേവ ജയതേ എന്നും ആലേഖനം ചെയ്തിരിക്കും. ഇടതുവശത്ത് ഭാരത് എന്ന് ദേവനാഗരി ലിപിയിലും വലതുവശത്ത് ഇംഗ്ലീഷിലും എഴുതിയിരിക്കും.
നാണയത്തിന്റെ മറുവശത്ത് പുതിയ പാര്ലമെന്റ് മന്ദിരത്തിന്റെ ചിത്രമുണ്ടാവും. സന്സദ് സങ്കുല് എന്ന് ദേവനാഗിരി ലിപിയിലും പാര്ലമെന്റ് കോംപ്ലക്സ് എന്ന് ഇംഗ്ലീഷിലും എഴുതും. 44 മില്ലീ മീറ്റര് വ്യാസത്തില് വൃത്താകൃതിയിലാവും നാണയം. 35 ഗ്രാം ഭാരമുണ്ടാകും. 50 ശതമാനം വെളളി, 40 ശതമാനം ചെമ്പ്, 5 ശതമാനം നിക്കല്, 5 ശതമാനം സിങ്ക് എന്നിവ ഉപയോഗിച്ചാണ് നാണയം നിര്മ്മിക്കുക.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ഞായറാഴ്ച്ചയാണ് പുതിയ പാര്ലമെന്റ് മന്ദിരത്തിന്റെ ഉദ്ഘാടനം. രാഷ്ട്രപതിക്ക് പകരം പ്രധാനമന്ത്രിയാണ് പാര്ലമെന്റ് ഉദ്ഘാടനം നിര്വഹിക്കുന്നത്. രാഷ്ട്രപതിയെ ചടങ്ങില്നിന്ന് ഒഴിവാക്കുന്നതില് പ്രതിഷേധിച്ച് കോണ്ഗ്രസും ഇടതുപക്ഷവും തൃണമൂല് കോണ്ഗ്രസുമുള്പ്പെടെ 19 പ്രതിപക്ഷ പാര്ട്ടികളാണ് ചടങ്ങ് ബഹിഷ്കരിക്കുന്നത്.