ഡല്‍ഹി: സാമൂഹിക മാധ്യമമായ വാട്സ് ആപ്പിനെതിരെ വിമര്‍ശനം ഉന്നയിച്ച് ട്വിറ്റര്‍ മേധാവി ഇലോണ്‍ മസ്ക്. വാട്സ് ആപ്പ് വ്യക്തികളുടെ വിവരങ്ങള്‍ ശേഖരിക്കുന്നുണ്ടെന്നും വാട്സ് അപ്പ് ചെയ്യുന്ന ഇത്തരം കാര്യങ്ങളെക്കുറിച്ച് ഉപയോക്താക്കള്‍ക്ക്‌ അറിവില്ലെന്നും മസ്ക് പറഞ്ഞു. വാട്സ് ആപ്പ് രഹസ്യമായി ഉപകരണങ്ങളിലെ മൈക്ക് ഉപയോഗിക്കുന്നുവെന്ന് ട്വിറ്ററിലെ എൻജിനീയറായ ഫോഡ് ഡാബിരി ആരോപിച്ചിരുന്നു. ഇതിനുപിന്നാലെയാണ് വാട്സ് അപ്പിനെതിരെ മസ്ക് വിമര്‍ശനം ഉന്നയിച്ചത്.
ട്വിറ്ററിലാണ് വാട്‌സാപ്പ് മൈക്ക് ഉപയോഗിച്ചതിന്റെ സമയക്രമം വ്യക്തമാക്കുന്ന സ്‌ക്രീന്‍ഷോട്ട് ഫോഡ് ഡാബിരി പങ്കുവെച്ചത്. താന്‍ ഉറങ്ങുന്ന സമയത്ത് വാട്‌സാപ്പ് പശ്ചാത്തലത്തില്‍ മൈക്രോഫോണ്‍ ഉപയോഗിക്കുന്നുവെന്ന് ഡാബിരി ആരോപിക്കുന്നു. രാവിലെ 4.20 നും 6.53 നും ഇടയില്‍ വാട്സ് ആപ്പ് തന്‍റെ ഫോണിലെ മൈക്രോഫോണ്‍ ഉപയോഗിച്ചതിന്റെ സ്ക്രീന്‍ ഷോര്‍ട്ടാണ് ഡാബിരി പുറത്തുവിട്ടത്.
അതേസമയം, സംഭവത്തില്‍ അടിയന്തിരമായി ഇടപെട്ടുവെന്നും ഫോഡ് ഡാബിരിയുമായി ആശയവിനിമയം നടത്തിയെന്നും വാട്സ് ആപ്പ് ട്വീറ്റ് ചെയ്തു.
