ഇസ്ലമാബാദ്: പാകിസ്താന് മുന് പ്രധാനമന്ത്രിയും പിടിഐ നേതാവുമായ ഇമ്രാന് ഖാന് അറസ്റ്റില്. ഇസ്ലാമാബാദ് ഹൈക്കോടതിക്ക് മുന്നിൽവച്ചാണ് ഇമ്രാൻ ഖാനെ അറസ്റ്റ് ചെയ്തത്. സംഘര്ഷ സാധ്യത കണക്കിലെടുത്ത് ഇസ്ലാമാബാദിൽ നിരോധനാജ്ഞ പ്രഖ്യാപിച്ചു. അഴിമതി കേസുമായി ബന്ധപ്പെട്ടാണ് ഇമ്രാന് ഖാനെ അറസ്റ്റ് ചെയ്തതെന്നാണ് വിവരം. അധികാരത്തില് നിന്നും പുറത്തായതിനുപിന്നാലെ നിരവധി കേസുകള് ഇമ്രാന് ഖാനെതിരെ രജിസ്റ്റര് ചെയ്തിരുന്നു.
പ്രധാനമന്ത്രിയായിരിക്കെ വിദേശത്തുനിന്നു ലഭിച്ച വിലയേറിയ സമ്മാനങ്ങൾ കൂടിയ വിലയ്ക്കു വിറ്റെന്നും ഇതിന്റെ കണക്കുകൾ മറച്ചുവച്ച് നികുതി വെട്ടിച്ചെന്നതുമായി ബന്ധപ്പെട്ട തോഷഖാന കേസിലാണ് അറസ്റ്റെന്നാണ് റിപ്പോര്ട്ട്. തോഷഖാന അഴിമതിക്കേസിൽ ഇമ്രാൻ ഖാനെ അറസ്റ്റ് ചെയ്യാൻ പലതവണ ശ്രമിച്ചെങ്കിലും എല്ലാം വിഫലമായിരുന്നു. പാര്ട്ടി അനുഭാവികളുടെ പ്രതിഷേധത്തെ തുടര്ന്നാണ് ഇമ്രാന് ഖാനെ ഇതുവരെ അറസ്റ്റ് ചെയ്യാന് കഴിയാതിരുന്നത്.
സൈന്യം ഇമ്രാന് ഖാന്റെ വാഹനത്തെ വളയുന്നതും വാഹനത്തില് കയറ്റിക്കൊണ്ടുപോകുന്നതുമായ ദൃശ്യങ്ങള് ട്വിറ്ററില് പ്രചരിക്കുന്നുണ്ട്. ഇമ്രാന് ഖാനെ സൈന്യം വളരെ മോശമായ രീതിയിലാണ് കൈകാര്യം ചെയ്തതെന്ന് പിടിഐ ആരോപിച്ചു.